Moti i keq, probleme në portet kryesore të vendit

Moti i keq, ka shkaktuar probleme në portet kryesore të vendit. Në Vlorë është pezulluar puna, ndërsa dy tragetet që duhej të vinin nga Brindizi i Italisë, nuk janë nisur, për shkak të detit me dallgë, 8 deri në 9 ballë. Madje, era e forte, ka shtyrë një anije tregtare drejt bregut. Mjetet e tjera lundruese dolën të gjitha në radë. Edhe në portin e Durrësit ka probleme. Tragetet nga Bari erdhën me vonesë e anijet e vogla, nuk lejohet të dalin në det.