Moti i keq, mbyten dy peshkatarë në Divjakë

Dy peshkatarë janë mbytur sot në det, në zonën e Divjakës, si pasojë e dallgëve, nga moti i keq, me erë të fortë. Korrespondenti ynë në Lushnje, Bledar Koreshi njofton se Vangjel Trungu 60 vjeç dhe Stavri Trungu 40, dolën për peshkim, rreth orës 6.30 të mëngjesit të sotëm. Paraprakisht, mësohet se varka e tyre është përmbysur dhe megjithë përpjekjet e kolegëve për t’i dhënë ndihmë, janë fundosur. Ndërkaq, në zonë ndodhen uniformat blu, si dhe polumbarë, të cilët do të nisin kërkimet për nxjerrjen e trupave.