Liga e Kampioneve, gati beteja Angli-Itali

Rriten tensionet në prag të ndeshjeve të kthimit të tetësheve në Ligën e Kampioneve, që konsiderohen edhe si një betejë mes Italisë dhe Anglisë. E përditshmja britanike “Tajms” shkruan se ekipet italiane do të dalin të gjitha të humbura nga përballjet me skuadrat angleze. Gazeta kujton 8 sfidat direkte të vitit të kaluar, ku italianët arritën vetëm dy barazime, si rezultatet më të mira. Nesër dhe të mërkurën, Juventus, Roma dhe Inter do të kërkojnë kualifikimin kundër Çelsit, Arsenalit dhe Mançester Junajtid. Ndërkohë, UEFA lajmëroi sot se shorti i çerek-finaleve për Ligën e Kampioneve do të hidhet mesditën e 20 marsit, në Nion të Zvicrës.