Ferrari, dominon provat për Çmimin e Madh të Malajzisë

Ferrari ka dominuar në provat e dyta të lira të Çmimit të Madh të Malajzisë, që do të zhvillohet të dielën në pistën e Sepang-ut. Më i miri ishte Kimi Raikonen, i cili më në fund duket se e ka gjetur ritmin me makinën e re F-60. Finlandezi arriti kohën më të mirë, duke shënuar në kronometër 1 minutë, 35 sekonda dhe 707 të qindtat. Vetëm pak më prapa u rendit kolegu, Felipe Masa, ndërsa koha e tretë ishte për Sebastian Vetel të Red Bull-it. Më pas u renditën Rosberg, Barrikelo dhe Batën. Kampioni i botës, Hamilton, nuk mundi të shkojë më lart se vendi i 11-të.