Athinë; Shkatërrohet një bandë shqiptare

Policia greke në Athinë, shkatërroi një organizatë të tregtimit të lëndëve narkotike dhe arrestoi 6 persona, mes tyre 4 shqiptarë e 2 sudanezë. Ata janë arrestuar në flagrancë, në qendër të Athinës, pranë Omonia-s dhe janë të moshave 18, deri në 32 vjeç. Në automjetet e tyre, u sekuestruan mbi 6 kg heroinë e ndarë në 12 pako, 2.5 kg kanabis, përzjerës heroine, dy peshore elektronike, si dhe 7.500 euro. Materialet në ngarkim, iu dërguan gjykatës, që vendosi “burg pa afat”. Ndërkaq, policia në vendin fqinj, vazhdon hetimet, për kapjen e personave të tjerë, që mund të jenë përfshirë në trafikun e lëndëve narkotike.