Michael Jackson, ikona qe s’vdes kurre!

Mbreti i muzikës pop, Michael Jackson, ka ndërruar jetë pas një ataku kardiak, ne oren 21.00 te mbremjes se te enjtes me oren tone.
Gazeta amerikane ‘The Los Angeles Times’ ka qene e para qe ka dhene lajmin e mbuluar me pas nga te gjithe mediat vendase dhe boterore.
Edhe pse ambulanca kishte shkuar ne shtepine e tij, kur mjetet kishin arritur, zemra e Jackson nuk rrihte me.

Ikona e muzikës pop filloi karrierën qe fëmijë me “Jackson 5”, duke u bëre ne vazhdim këngëtari më i famshëm në botë. Karriera e tij solo nisi qe ne fund te viteve ’70.
Albumi "Thriller" ishte me i miri nga te gjithe, e eshte nje album i cili vazhdon te mbaje rekordin e më të shitur të të gjitha kohërave. Hitet "Billie Jean" e "Beat It" bënë që Mbreti i muzikës pop të pëlqehet nga miliona fansa anembanë botës, si dhe artiste te rinj, të cilët ndiqnin stilin e tij te muzikes dhe kercimit.

Gruaja e parë e legjendës së muzikës ishte vajza e Elvis Presleyt, Lisa Marie Presley, me të cilën u martua në vitin 1994, edhe pse martesa e tyre zgjati vetëm dy vjet.

Më pas ai u martua me australianen Debbie Rowe me të cilën ka dy fëmijë, Prince dhe Paris. Ai ka gjithashtu edhe nje djale i cili ka lindur nga nje ‘nene-epruvete’ (me farezim artificial te nje gruaje mbartese), Prince Michael II.

Vitet e fundit te jetes Jackson pati probleme serioze financiare, edhe prej gjyqit te gjate per pedofili, prej te cilit doli i pafajshem. Ai do rikthehej ne Korrik me disa koncerte ne Londer, te cilat tashme nuk do te mbahen.
Sipas lajmeve qe vijne nga L.A. ataku kardiak që shkaktoi vdekjen e Michael Jackson, mendohet te kete ardhur si pasoje e barnave te shumta qe ai perdorte.
Revista “Life & Style” shkruan se Jackson kishte përdorur shumë barna muajt e fundit, duke përfshirë barnat kundër ankthit, Xanax dhe Zoloft, si dhe kundër dhimbjes: Demerol.

Ndërkohë një burim ka thënë se ekziston frika që këngëtari ta ketë tepruar me dozën e barnave që mund t’i ketë shkaktuar veshtiresi ne frymemarrje dhe me pas infarkt.

Artistet vleresojne mitin Jackson
Steven Spielberg është nga shume njerëzit që shprehin pikëllimin e tyre për humbjen e këngëtarit.
“Ai ishte një legjendë. I krahasueshem vetem me figura si Fred Astaire apo Elvis Presley. Ne kohe ka patur dhe do te kete vetem nje Michael Jackson”, ka thënë Spielberg.

Gjithashtu Britney Spears dhe Justin Timberlake, dy artiste thellesisht te frymezuar nga Mbreti i Popit kanë shprehur ngushellimet e tyre.


“U entuziazmova shumë kur dëgjova se do të rikthehej me koncerte në Londër. Unë do të isha në turne në Evropë ne ate kohe dhe do te shkoja ta shihja. Per mua, dhe besoj jo vetem, ka qene nje frymezim i madh. Ndihem shume keq tani qe nuk jeton me” ka thënë Britney.

Ndërkohë, Timberlake është shprehur se bota jo vetëm ka humbur një nga yjet më të mëdha të muzikës, por edhe një gjeni, frymëzimin i të gjitha gjeneratave”.