Ulen temperaturat në fillim jave

Duke nisur prej sot temperaturat në vendin tonë pritet të shënojnë një ulje me 1-2 gradë celcius. Kjo ulje do të jetë më e ndjeshme gjatë ditës së nesërme, që do të shoqërohet edhe javën e ardhshme. Ndërkohë dje temperatura që ka regjistruar termometri në ajrin e nxehtë të diellit, ka qenë 44 gradë Celsius, ndërsa në hije 39 gradë. Rekomandohet që moshat e treta, pacientet kronikë dhe fëmijët e vegjël duhet të bëjnë kujdes, duke mos dalë nga shtëpia prej orës 10 deri në orën 18, kur shënohet dhe piku I temperaturave të larta.