Trazirat në Greqi, arrestohen 13 shqiptarë të tjerë

Edhe 13 shqiptarë janë ndaluar sot pasdite në përleshjet që shoqëruan për të tretën ditë radhazi rrugët e Athinës. Sot në mbrëmje, sikurse gjatë gjithë ditës, u shënuan sërish përleshje mes protestuesve dhe forcave të policisë. Anarkistët kanë qëlluar me gurë dhe bomba molotov, ndërkohë që policia është përgjigjur me gaz lotësjellës. Janë dëmtuar mjaft vitrina dyqanesh, ndërsa dy automjete u dogjën plotësisht. Rreth orës 19, anarkistët dolën nga godina e Politeknikumit, duke iu drejtuar Omonia-s. Rrugët i ngjajnë pamjeve të luftës. Vetëm sot pasdite janë ndaluar 43 persona, mes të cilëve 13 shqiptarë, 2 polakë, 1 serbë dhe 27 grekë.