Prishja e ndërtesës 12-katëshe, reagon Ministria e Punëve

Ministria e Punëve Publike, reagon lidhur me aksionin e sotëm të Inspektoriatit Ndërtimor Urbanistik Kombëtar, për prishjen e ndërtesës 12-katëshe në qendër të Tiranës. Sipas burimeve zyrtare, godina filloi të shembet mbi bazën e një urdhri të nxjerrë, ku theksohet se në përputhje me ligjin 2502 për urbanistikën ajo nuk është e ligjshme e ka zënë dhe një pjesë të rrugës". Ndërkaq, ndërtesa rezulton se është pronë e shtetasit Ilir Mata, kunati i deputetit socialist Dashamir Peza. Ai është ndër emrat e parë të përmendur nga kryeministri Berisha, si përfitues i paligjshëm i sipërfaqeve në kryeqytet. Deputetët socialistë, akuzuan Berishën për ato që i quajtën “veprime banditeske”.