Maku Pone

Maku Pone

U lind ne vitin 1939 ne qytetin e Fierit.Femijerine e kaloi ne qytetiet e Fierit,Pogradecit e Tiranes.Studimet e mesme i kreu ne Shkoder,studimet e larta ne Moske per inxhinieri nafte. Ka studiuar gjithashtu per filozofi. Ne letersi ka botuar qysh ne vitet pesedhjete dhe me librin e pare ka dale ne vitin 1969. Pervec poezive ka shkruar mjafte per teatrin dhe nje kohe i eshte kushtuar edhe letersisa per femije.
Ka fituar pese cmime te ndryshme ne konkurset-kombetare ne gjinine e poezise (2 here), ne proze (2 here) dhe ne dramaturgji (1 here)
Jeton dhe punon ne Fier.

Poezi : "Kur buzeqeshin shoket" (1969), "Yje mbi bar" (1973), "Ne brazdat e kesaj toke" (1975), "Lulezim" (1982).

Dramaturgji : "Shperthimi" (1976), "Fundi i sinoreve" (1977), "Asgje nuk eshte harruar" (1979), "Atje ne Ebro" (1979), "Nate e pagjume" (1980), "Udhe te mbara" (1982), "Shoke dhe vite" (1984), "Dosja 63" (1985), "Shqetesimet e nje mjeku" (1988), "Nje vajze e fyer" (1990).

Proze: "Shtepia midis molleve" (novele), " Trandafilat e mesnates (roman).

Letersi per femije : "Naftetaret e vegjel" (1969), "Ne jemi gjeologe" (1969), "Postjeri yne" (1970), "Na therret trumbela" (1971), "Pushimet Dimerore" (1971).

Gjaku i verdhe i lulediellit

--------------------------------------------------------------------------------

Mullaga

Mos e beso, s'eshte lulemullage
kjo mullage
eshte nje njolle e kuqerremte
qe pikon gjak,
qe ra nga mushkerite e mia
dhe ra nga zemra ime.

S'eshte vere kjo vere
eshte dimer i ngrire dhe vrases
dhe i mbushur me tortura,
si ne nje dhome ne terr
dhe pse gjithkund ti sheh mullaga,
por a s'ta thasheqe s'jane mullage,
eshte zemra ime qe s'te gjen
e gjakun shterr.


Dryna ne dere

Atje brenda eshte kalbur
dhe eshte mykur gjithcka
nen pushtetin
e krimbave.
Ne dere
ende rri roje vigjeluese
dryni
i ndryshkur,i ngrene,pakez tragjik
ne ate qendrese te hekurt,
per te mos lene kend te hyje,
te beje baterdi,
atje brenda,
ku as minjte s'kane c'te hane
me.

Kohe
e drynave ne dere.
__________________

Fytyre nga pasqyra

Kenaqesia del nga kreheri
dhe ngjitet ne pasqyre.
Le te krihet dhe pasqyra,
te heqe nga vetja
aq e aq leshra te rrezuara,
pale te thinjura.
Te zbukurohet kjo pasqyre.
Te ndrije nga bukuria.
T'i hiqe nje trendafili
ne lekure.
Dhe une qe e shoh,
te ndihem
pakez me i forte,
pakez me burre
nga kjo fytyre
qe me veshtron nga pasqyra.

Shpetimtari

Ju e prisnit shpetimtarin
ja ku vjen
me syte ne tehun
e thikes,
me duart ne kembez
te revolverit,
gjinte mbushur me bomba.
Nderkohe bejuni ze zjarrfikesave
te shtrijne zorren e ujit
ne bulevard.
Do te kene goxha pune
zjarrfikesat
me zjarrin perpires dicka,
por dhe me gjithe ate
gjak.
__________________

Tel

Ajo rrobe e bardhe,
a eshte e bardhe,
a je i sigurte?
A thua te mos jete e zeze
dhe sidomos
a nuk skuq?
une pashe vetem thiken
qe vetetiu,
asgje tjeter.
Asgje.
Me shume do te kene pare te verberit,
a kane degjuar ndoshta shurdhememecet.

Gruaja kriket ne pasqyre

Gruaja krihet ne pasqyre.
PA shih ! ishte muzrg
dhe u be nate.
Ishte vjeshte
dhe u be dimer.
Dhe pak
e do vije pranvera,
pastaj vera , pastaj vjeshta.
Gruaja atje eshte, krihet ne pasqyre.

Zoti im ! Qenka thinjur bota
vetem pse gruaja krihet ne pasqyre
dhe burrat gje prej gjeje s'dine
c'eshte pasqyra per nje grua.
__________________

Fusha me luledielli

Vallja huan koka te prera.
Koka te prera,
qafe te keputura,
dhe prape e prape koka te prera.
Koka.
Koka.
Koka.
Natyrisht
dhe ca gjak.
Dielli ngadhnjen atje lart.
Ngado qe vete, ne zbrazetine terheq
koka te prera, kokat
dhe qafat e keputura.

Gjakun e verdhe te lulediellit
e piu fusha.

Cerdhe merimangash

Atje perfund shpirtit
e ngriten cerdhen merimangat.
Po ben kohe qe shpirti as nuk ha,
as nuk pi.
Dhe aq gjak sa kishte mbletur
tashti e pine merimangat.
Mblidhi plackat e dashur
erdhi ora per te vdekur
nga asfiksia,
nga mungesa e ajrit atje thelle
ku dhe merimangat po perpeliten
nga mazgallat e zbrazeta e te zeza
qe dikur u thoshin shpirt.
__________________

Femijet bonjake

Ne do t'i capelojme keta femije
qe te shqyejme njeri-tjetrin
ku me mire e me mire.
Era ndaj ulerin
qe shkretetira te haje me gjithsej
dunat si duna
gjer tek kokrrat e reres.

E shkretetires eshte rera.
Shkretetiren ka meme.
Le te jete harruar ati fatkeq
per te bijat dhe per te bijte e vet.

Kurse ne do te na qajne
keta femije
O cdo te bente rerana
per shkretetiren
po te shqyente nje shkretetire.

Ndoshta dhe me zi se ne
te braktisur nga femijet,
ndersa shqyejme njeri-tjetrin.

Tabela e shumezimit

E kam bere corbe tabelen e shumezimit
per aq miliarda sa kam
e per aq sa do te kem
te gjitha te kerrera
nga shumezimi Nje here Nje qe bejne Dy
dhe nga shumezimi Dy here Dy bejne Pese.
Falmeni boten po e zura poshte
me tabelen timr te shumezimit
ku cdo katrori te zi
i perputhet nje pikez e kuqe
nga gjaku i te tjereve
dhe jo nga gjaku im.
__________________

Mengjesi

Sa i turpshem ! Mezi c'pret
te hedhe persiper
c'kishte flakur nga nata.
Mezi sa i gjen corapet e lehta
pak te grisura nga thonjte
qe i kishin zbathur me ngut,
ja ku fshin
pakez te kuq nga buzet
se te kafshuara, se te ngrena,
kreh floket e shprishur
ne pasqyren e gervishtur,
s'di ku e ka lene xhaketen
ne nje qoshe
dhe pantallonat me kembeza te thyera,
varen poshte e me poshte.
Ka mbetur krejt vetem.
Me i vetmuar dhe me i shkrete
Se shtrati ku pati fjetur
Dhe kafeja po i dridhet ne duar
ne filxhanin e krisur e pa bisht.

C'mengjes i trishte.

Tregu i zi i henave

Nder gjerat me te cmuara
ketu jane te mbathurat
qe nuk mbathen kurre.
Hena eshte krejt e zeza
ne netet e te mbathurave
qe nuk mbathen asnjehere
dhe i zi eshte tregu
qe nxjerr ne shitje henat e bardha,
henat e bukura qe gjakosen
ngaqe kurre s'mbajne te mbathura.
__________________

Zjarri i hidhur

Ky do te jete, thashe , zjarri i hidhur i Vasilikosit
Atehere kur as ngroh
as ftoh me.
Ky zjarr qe perhap hirin
neper trup,
pa arritur ende gjer tek shpirti.
Shpirti kish dicka perafert me te
gjersa digjej dhe vete.
Tashti jam i teri hidherime
nga veshtrimi i syve
gjer tek e puthura,po te ishte
nese do ta priste ndokush.

Zoti e ruajte boten nga zjarre te tilla,
pa asnje fill flake,
madje as pa hi,
as pa prush.

C'te bejme me keto zjarre Vasilikos.

Vetmia

Vetmia ka njemije e nje sy
te gjithe per te pare Mungesen
edhe ajo me njemije e nje sy
per t'u fshehur nga Vetmia.
Dhe une qe rri midis tyre
vertet me sy,
por edhe me i verber
se te kisha njemije e nje sy.
Kaloj sa tek Mungesa tek Vetmia,
brenda nje guacke,
qe ma solli shtriga me e pare
qe kaloi ketej rrotull.
__________________

Te dalesh ne ballkon

Te dalesh ne ballkon e te klithesh:
Vrases!
Gjaksore te pafytyre!
Pse e vrisni Bukurine !
Ajo eshte gjurma ku kaloi Kaprollja,
ju pate vecse nje egersire
nga pas duke i rene si te marre,
per te pare,
si mund te jete fytyra e nje bishe,
e bukur qofte
a e shemtuar.

S'desha
dhe u bera
vrases
i betuar.

Debora

Mbajeni pakez kete debore.
Dhe fare pakez,
qe te mos tretet,
dhe pakez
per te mos pare cka u mbulua dje.
Do te qani kete debore.
Do te vije prape moti i vjeter,
me kalbesire
e me myk,
c'ka s'kishte mundur te pastronim,
pa rene
kjo debore
pafajesie.
__________________

Guri i neperkes

Ti as nuk e sheh
as nuk e ndjen,
neperken poshte teje.
Esbte guri . Guri
ende te mbron mga helmi i neperkes
ma nje shqyte prehistorike,
por ti do ta levizesh kete gur,
do ta thyesh,
do ta shkallmosh,
se s'mund te rrish as pa thyer,
as pa shkallmuar
per te leshuar neperkat
nga siper gurit ,a
nga poshte gurit.

Bezhdilat

Ato
pluskojne mbi siperfaqe
pa qene as gur,
as plumb,
as hekur.

Sillen e sillen mbi siperfaqe
pa arritur kurre tek thellesia.

Ne siperfaqe duke jetuar
dhe duke vdekur.

Kur dua te zihem

Nganjehere, kur dua te zihm,
kur dua me gjithe zemer te rrihem,
ia heq vetes me grusht.
Menyra me e mire per te goditur dike
dhe qe s'kerkon drejtesi,
por vetem sa te sheh me ca sy
keqardhes
dhe si femije
ul kryet
si te te thoshte qellome
perseri.
Keshtu dhe s'kam pune me Pallatin e Drejtesise
ku ende s'eshte gjetur ai ligj
per denimin e vetvetes
te rrahur nga vetvetja,
derisa s'eshte zbukuar aritmetika e krimit,
per me larg vetes tek te tjeret.
__________________

Briret

Ai duhet te ishte atje jashte
ne erresire.
Djalli, pra, qoftelargu,
sic e perfytyrojne sterre te zi
edhe me brire.
Hanin darke te gjithe me babezi
dhe pinin vere,
mishi i shijshem prej kaprolleje
e prej kaprojsh
leshonte
avull dehes dhe ere.
Ndodhi, dritat papritmas u shuan
Bota
U zhyt ne erresire.
Dhe sakaq, kur llamburiten dritat
njeri-tjetrin pane mysafiret
mbi krye
iu kishin mbire
brire.

Po me ?

Po me ?
- Dhe pakez e kartemonedhat
me arrijne gjer ne qiell.
Po me?
- Jam nje e shtene gjemezeze
qe ka dale nga topi.
Po me ?
- Jam krye e eperme te turmes,
turma poshte e me poshte
nen kembe.
Po me?
- Te mos e dija c'eshte frike e vdekjes
as nga infrakti
as nga ulkonja
as nga ariu.

- Ah mos ish ze njeriu ?
__________________

Atdheu i te kamurve

Ndjej dhembje per atdheun gri
te te kamurve , ku
pyjt jane zhveshur me gjithsej,
maletjane trandur nga vendi
dhe kane mbetur me nje kembe.
syte e liqejve jane verbuar
dhe detet e boshatisura nga ujrat
tash sa mot
kane zene te mbushen me lot.
Pak lemoshe
per atdheun e te kamurve
sa te hedhe dhe kete dimer te zi
Oi.
Oi.

Shtepia e dreqerve

Ndihme! Po behet kiameti ketu poshte
ne kete shtepi pa dyer , pa dritare
ku jetojne c'prej dy dimrash dreqerit.

Ndihme sa te mesojme gjuhen e dreqerve,
sa te behemi dhe vete dreqer
ne kete shtepi
te zbrazet nga njeriu
ne trashegimi per kolonite e dreqerve
me kete gjuhe te mbrapshte dreqersh
qe s'do te nxejme kurre.

Ecje me kurriz

Dikur e pa e ditur
po ecnim mbrapsht
me kurriz,
dhe pak e do te na perplasen shpinat
si dy gune,
aq sa do te shkrepe nje xixe,
si nje e prere e diellit,
a si nje cope meteori
e mjafte,
sa per te djegur ato libra
qe mesojne ende,
se mund te ecet me kurriz.
__________________

Hordhia e karkaleceve

Qe nga koha e Cengiz Khanit
kt paska qene pushtim i dyte me i tmerrshem
pushtim i karkaleceve.
Me perkrenare me shqyte te rende
veshur e ngjeshur te gjithe ne hekur
ecen hordhia e karkaleceve.
C'paskemi kerkuar e spaskemi gjetur
nga insekticidet qe ka bota
pak mbisulfur e pak mbihekur
per te thyer kete ushtri te hekurt
dhe ja ku u gdhime skllever te heshtur
gjysme gjalle e gjysme vdekur
nen hordhine e karkaleceve.

Zhytje ne ujevare

Lamtumire! Po zhytem ne ujevare
per t'u gjendur
tek drita jote ne llampe,
a per t'u pire
tek goja jote me uje,
permes aq e aq reaksionesh
zinxhire.

Lamtumire.
Ne e thefsh ate gote
pa e pire,
atje pafsh jeten time
si reaksion kimik zinxhir
tek ti pa ardhur, pa te perfshire
ne kete lamtumire.
__________________

Ne tufen e kartemonedhave

Ti s'e kishe vene re
kur me lidhe,
kur me shtrengove
ne gryke,
ne tufen e kartemonedhave,
kur me vure perfund
fare-fare poshte
dhe siper meje ra me sokellime
mali i madh i kartemonedhave,
ti s'e dije qe bash une
une e mbaja ate mal
mishi te bute
sic mban nje heshte.

Dhe vdekja
ndodhta e tille do te jete,
kaq e eperme
kaq e thjeshte.

Alo! Celen karafilet

Alo! Celen karafilet !
Jepe berihajen ne bote
ne aksh shtepi kane celur karafilet
dhe jo per t'i qemtuar
per aq afri me gjakun,
ka midis tyre dhe te bardhe,
por qe se paku ne keto dite karafilash
te mos degjojme me ne bote
per te gjymtuar dhe per te vrare.

Midis dy vazove , ne ballkon

Midis dy vazove, ne ballkon
e mbaj mend si shfaqej koka jote
dhe ajo si nje saksi me lule
se borziloke,se karafile.

Ajme! S'di ku eshte ai ballkon
dhe iken, u thane ato lule
se borziloke,se karafile
nga balli ty te kishin mbire.

Si t'ia bej me lotet

Si t'ia bej me shiun,
por si tia bej dhe me lotet,
qe derdhen rreke ne poemat e vajzave
poetesha dhe heperhe jopoetesha,
se s'eshte menduar asesi nga bashkite
per grumbullimin e rrjedhave te loteve,
te loteve dhe te dhembjeve,
ne mbreterine e dashurive,
te lumtura qofshin a fatkeqe.

Si t'ia bej me shiun,
por si t'ia bej dhe me lotet,
qe vijne e me perplasen
heshturazi mbi qelqe.
__________________

Kryqi

Ne mungese te policit, ne udhekryq
e vura veten time,
te mos perplasen kobshem makinat.

Porse vetja m'u shfaq si nje kryq
ne udhekryq.

Ada Negri

Ish ylberi a s'ish ylberi
a me ish shfaqur dikur Asa Negri
per te me thene,
se po aq e shkurter e vetetimte,
se jeta e ylberit
eshte jeta e dashurise,
dhe qe e hane
se njeriu, se dherat.

Karusel

Kur ti ne maje te karuselit,
une po aq here jam poshte teje
dhe sa here ngrihem lart e me lart,
ti po aq here rrezohesh poshte e me poshte
karuselit.

Si ne lojen fatlume te lavdise.
Fatlume dhe fatkobe.

Goja

Une e pashe ate goje,
ate goje e pashe qe u hap
dhe gelltiti qytetin.
ish nje goje tmerresisht e madhe
dhe tmerresisht kercenuese,
bash si gojet e etura per lavdi,
per lavdi dhe per gjak,
per gjak qytetesh dhe per gjak njerezish.

Sa here gjenden ne gjume
njerezit dhe qytetet e tyre mjerane.

Surrati me maske

Sec ke nje surrat , une te shoh
permes njemije e nje maskave qe vesh,
e njoh ate qeshje te ngerdheshur
dhe ate te qare si me te qeshur.

Dhe i gjithe kurmi
eshte strumbullari i nje mullari te vjeter
me bar te kabur
ku ka qendruar nje korb.

Vecse s;gjetkam nje gur per te vrare,
ate korb,
ne masken tende,
me nje te qare ne te qeshur,
dhe me nje te qeshur plot me lote.

Ne pritje te diellit

Tani u binda se vertete ke vdekur
duhet, pra , nje kohe gjersa te ndjesh,
shijen e hidhur te mungesave.
E kuptova qe paskesha mbetur bonjaku
ne nje dite shiu,
nen nje strehe,
nen nje strehe ku gjithsesi bie shi,
bie shi dhe fryn ere,
bash si te vinin nga honet e poshtedheut.

Shihme tek kam ngrire ne pritje te dierllit,
o meme.

Brerore

Breroret arrijne si kulmi, si majaja
dhe te trondisin me ate hamgjitje,
qe e pate ndeshur vetem ne nje enderr,
pas nje ndarjeje,
ore,
te hidherimit dhe te dhembjes.

Dashuri,
breroria e bardhe mbi nje kaprolle,
ne te kapercyer te pyllit,
shume e shume kohe para shkrepjes
se nje rrufeje te befte.

Ja ku e ndjej se ende sillesh e sillesh,
rrotull,
tis i bardhe,
ajme !
Dhe fryme
kaprolleje te vrare.

Per te dale nga nata

une po nisem per te dale nga nata,
e gjate rruga , e gjate,
gjer ne hene ndoshta,
gjer ne Kashte te Kumterit,
djegia ketu po fillon,
por mos i besoni hirit,
hirit te mbetur,
besojini vetem prushit
dhe pse duhet i vdekur.
__________________

Llava
- Ne stilin e Jim Morrisonit -

Llaven e prita gjithe me bindjn
se isha vete nje kunderllave,
domethene ajo pjelle prej vullkani
dhe une pjelle prej vullkani.

Keshtu llava mesyu ne trupin tim
dhe vershoi ne shpirtin tim.

Kur te sulem teposhte
per te fshire papastertite dhe m****t
nuk di valle a do te me mbani.

Mjellmat e ngordhura

i pashe mjellmat fatkeqe te ngordhura,
ne pellgun ngrire ne nje heshtje tragjike,
ne ate ore te zise.

Kish ulur kryet pellgu,
pellgu qe ujrat
per vete i kish pire,
dhe s'iu kish lene mjellmave nje pike.

Une vetem sa hoqa kapelen me strehe
dhe eca me tej,
pa mundur dicka per te bere,
per ato mjellma te ngordhura,
ne mesimin e neserm te biologjise.

Sepse duhej te arrija me pare
ne anatomine e nje pellgu,
vetengrenes
dhe po aq vetepires.

Pallati midis reve

Ne pallatin midis reve
eshte nje dhome , besome
ku dhe shirat qe do te rrjedhin
do te jene nga ujet
e nje piste te cezmave.

Aq shume , tmerresisht shume,
gjer ne llahtare
do te jene tredhur atje eunuket qiellore
me insuficience hormonesh e sperme.

Ne pallatin midis reve
te enderruar tmerresisht shume,
gjer ne llahtare,
nga te ndeshkuarat e nates se pare.
__________________

Dimri i mbrame i nenes

ja keshtu duart t'i zgjatesh gjer tek rete,
tek ato shtellungat atje
e t'i dredhesh fill te holle,
pak te florinjte pak te sermajte
dhe
si te jene ngarkuar me shira,
te presesh rrufene me te pare,
te marresh e ta kthesh ne druge,
ne gishtrinjte si karthje -
luaj, luaj pleqeri
lojen tende finoke-
por ti do te ma thurresh sic di vete,
trikone me te mbrame,
thurre per vete edhe nje ,
per kete dimer qe vjen,
se ku ta dish a do te vijne pas tij,
atje larg, tej kobesise
dimra te tjere.

Oh,ato dimra te tjere! ...

Porta

Atje mbyllet nje porte
me te vdekurit e mi.
Mbetur kater gjyshat e gjyshet e mia,
asaj porte pertej.
Si ne nje fushe te zbardhur nga debora,
mbetur im at e ime me
qekurse jo porte u mbyll
per te mos u hapur kurre me.

Porse te vdekurit e mi
po ben kohe qe kthehen,
permes nje porte ne shpirtin tim,
e c'eshte nje porte , c'eshte nje porte
qe te gjallet nuk e dine,
vetem te vdekurit e dine.

Kujdes! Ketu eshte sketerra

Hynin me radhe vajza e djem
si te hynin ne nje tempull
ne WC-ne e shkolles.
Sekse ende ishte enigme, frike
e loder e lige me djaj,
pertej asaj dere
lyer
me boje te bardhe,
s'ish me shume se nje kabine e drunjte,
si te mevonshmet,telefoniket,
ku mund te hynte kushdo
e mund te dilte kushdo,
si nga shtepia e vet-
vetem nje here ajme !
Vetem nje here,
nje vajze e turpshme dhe nej djale
dhe qysh atehre,
mbeti e shkruar ne dere,
ne deren e vjeter me boje te bardhe:
Kujdes ! Ketu eshte sketerra.

Tabela e zeze

Ti ecen poshte asaj tabele
si poshte Harkut te Triumfit,
eshte tabela jote e zeze
qe e ke gjetur dhe ke shkruar vete,
me boje te bardhe,
emrat e te vdekurve me radhe,
me doren tende vrasesi im,
porse te gjallet nuk veshtrojne
dhe te vdekurit ajme! nuk mundin te lexojne.
__________________

Streha e dhembjeve

Ju nuk e shihni
kete sfere qe me qarkon,
kete sfere te qelqte
dhe te padukshme krejt,
eshte e pranishme kudo qe shkoj,
ngado qe kthehem e ne shtepi vij.
Eshte vete shpirti im
i mbyllur ne kete sfere,
ne kete sfere te mbushur
plot e perlot me dhimbje,
dhembjet e botes dhe dhembjet e mia,
brenda saj te bera njesh,
tashme pa ditur cka eshte imja
dhe cka eshte e botes,
ndaj mos u shtyni, mos u perplasni
pas meje,
ju ecni aq te shkujdesur
se po e thyet kete sfere,
kete sfere te qelqte te mistershme,
doni a s'doni pastaj,
dhembjen qe ndodhen atje brenda
do te behen edhe tuajat
gjer tek rrasa e varrit.

Buti me vere

A e thyejme kete but,
kete but me vere te vjeter,
te mbushet bota vere,
ne mos e gjithe bota
qofte nje grimce e saj,
te pijne dhert vere e te dehen
se mjaft kane pire dhembje e lot,
se mjaft kane pire plage e gjak,
gjak e vaj, e dashura ime .

Vajza qe kercen ne litar

vajza qe kercen ne litar,
c'loder femijrore e pafajshme,
si te behej ne nje nga qoshet e parajses
dhe era qe zbulonte mishin e bute,
te trendafilte,
ndoshta s'dinte me shume se une ,
qe e veshtroja si i magjepsur
ate loder me litar.
Nje e qeshur e metalte,
e florinjte a e stermjate,
ish tingull vese,
tingull qumeshti
ne koven e mengjesit.
Litari
krejt i nenshtruar, poshte kembeve,
por mund ta merrje dhe per gjarper,
gjarper qe fle ne dimer
dhe zgjohet ne pranvere,
aq sa perte thumbuar me helm,
vajzat qe luajne e nuk dine
c'eshte vdekja e virgjerise.

Qiell, gjyq i mbrame

Emri ? - Helena.
Emri tjeter ? - Parid.
C'ka midis jush te pandehur?
- Dashuri, Dashuri qe s'njeh cak.
Po tjeter? Asgje tjeter? Ka gjak ?
- Ne thame vetem dashuri imzot,
dashuri mos qofte pa gjak.

Ne shtepine e qoftelargut

Nga ajo shpelle kur dola,
e pashe: kisha ngecur ne vije te dyte
dhe me te tmerrshme se e para
dhe me te ftohte,me me lageshtire,
Rezidence e largeqoftit.

Atehere,thirra zotat ne ndihme
dhe zotat m'u pergjigjen
duke me nxjerre ne tjeter shpelle,
ne te treten sipas radhes,
ku,sic me shihni,ende rri
jo aq i sigurte per te dale
ngaqe e di qe prape eshte nje e katert,
nje e peste,
dhe nje e gjashte,
po aq te tmerrshme sa te tjerat
si gjithe shtepite e qoftelargut
me te cilin e kemi nga nje pakt,
domethene t'i sherbejme me zell
sa here kthejme nga lufterat
e duam paqe.
__________________

Guri

S'do te di shume per gurin,
gjersa s'eshte bere mur,
gjersa s'eshte kthyer ne murane,
per gurin
qe do te me fshehe pas vetes tutje,
ne nje rresht te trishte e te bardhe.

Heperhe e di si perberje qelizash
kuarci,qelqereje,uji dhe kohe,
flas per gurin qe eshte gur
dhe jo per gurin ne grushtin tend,
gati syte per te me kerrere
e per te me cuar tek nje murane,
ne ate rresht te trishte e te bardhe.
__________________

Rrjeta

Sa pa deshtuar me te paren
lindte,behej gati deshtimi i dyte,
keshtu a nuk ikennje jete
ende pa dale nga shpergenjte ?

Te gjitha si dy pika uji te ngjashme
dashurite e mia.
A si nineza ne dy sy te verber.

Pastaj mendova te ecja mbrapshme
per te zbuluar dashurine
qe diku duhej te me priste.

Mbrapsht,
me dicka te ngjashme me gaforren,
pavaresisht nga rrjeta,
ku mund te bija me peshqit.

Por rashe ne rrjeten tende te sermajte
ku ende perpelitem
peshk i arte fluturues.
__________________

E cara e deres

Me tremb kjo e care e deres
ku hyn e del
gjuha e eres,
gjuhe e eres si gjuhee grave,
ne mot te mbrapshte
tek nje cezme e thare,
ku ftillohej sic nuk pati qene,
fill i prere i dashurise
dhe meqe ato gjuhe se u prene,
se u harruan a se u zhduken per diku,
ja ku zgjatet kjo gjuhe e eres
qe poshte deres,
te me pertalle vetmine,
qe dot s'u mbushka as me vete eren
ne mungese te njeriut
cka e paskeshin ditur ato gjuhe
tek ato cezma pa uji.
__________________

Perrallat

I kemi treguar perrallat
aq sa nga zelli kemi shpikur dhe ndonje kafshe,
kurre te paqene.

Femijet here kane qeshur
dhe here kane qare,
por me teper kane qeshur,
bashke me ta edhe ne kemi qeshur
me dinakerine tone si te itakasit,
qe veten kemi vene tek heronjte
per te magjepsur femijet.

Oi ! porse ardhka nje kohe
bien,rrezohen perkrenaret,
ndryshken e kalben shqytet e renda
dhe heronjte mbeten sic kane qene
te zhveshur,lakuriq.
Ne,pra
tashme rishtazi te krijuar nga perrallat,
por s'jane me femije femijet
te na armatosin koke e kembe
me perkrenare me shqyte te rende.
__________________

Penelopa

Dhe ti je gruaja e Odiseut,
itakasit,dinakut,
tek thurr e shthurr trikone
e dimrit.
Do ta keni nje pakt te fshehte,
dimri dhe ti,
ai te vije si te kesh mbaruar trikone
dhe ti e tera t'i dorezohesh
si Penelopa e bukur,
mtonjesve.
Dimrit te mbrame te dashurise
qe me c'thone shtizat e tua ne duar,
s'ka per te ardhur ndonjehere.
__________________

Koka e Gjon Pagezorit

Mbi tabaka,koka e Pagezorit,
Ne vend te nje eliziri.
Ne vend te nje trendafili,
koka rebele e Pagezorit.

Qe te tunde vithet Herodiada.
Qe te marroset e te shtrihet
ne goje te seksit
kjo zonje,
lypsej
koka jote Gjon.
Koka jote e pergjakur
ne gjak t'i hynte
si elizir,
a si leng trendafili te eger
Herodiades kercimtare.

Sa eshte thene dhe sa thuhet per mekatet
mbi tabaka ne tabaka nen tabaka
dhe po ajo pyetje: Kur
gjaku rebel i Pagezorit
do te qetohet me ne fund
nen hingellima herodiadash

Bri herodesh te tredhur ?
__________________

Kryqi im

Te thane te mbartje kryqin tend,
ti se ku e gjete kryqin tim
per t'u ngjitur lart ne Golgote.

Gjak t'u bene supet,shpina,duart.
Gjaku te rridhte curke neper kembe
Sa ti harrove per kryqin tim,
ndersa vajtoje per kryqin tend.

Trasta me koka

Do te thosha dhe per kokat e qyteteve,
mbasi jane prere nje nga nje
dhe jane futur ne nje traste.

Ne nje traste hamshori,
hamshori,
marrosur pas nje pele,
pela me zegale ne vithet,
vithet te shqyera me kamzhike.

Po sa kam frike
brenda asaj traste se mos gjej
dhe koken time te prere.

Atdhemohuesit

Vetem nje gur nga guret e murit u gjakos
nga kryet e Shen Pjetrit,
kur gjeli,sic ishte parathene,
kendon tri here.

Tri here kendon gjeli.
Ka kenduar dhe tri mije here dhe tridhjete mije here
po guret ende s'u gjakosen nje fije
nga kryet e atdhemohuesve.

Ja ku dalin me koka gjelash ne duar
dhe qetas shkelin mbi gurete atdheut,
nese kane lene gure mbi gure,
atdhemohuesit.

Ethet e mia

Me kane zene ethet,ethet
ndihme! Me vjen nje duf
nga thellesia. Gjunjet
s'mbajne dot,
as peshen e matur nga anatomia
e eshtrave.Ashti
eshte hell
i llogaritur per kaprollin
qe do te shkohet ne te.
Ethet.
Ethet.
Ethet.
Oh, qe s'kam nje gur
dhe qe s'kam nje fill bari
t'i qetoj ethet e mia,
ethet te mos jene as helene
as apenine as iberike,
por te jene ethe
prej Shqiperie
qe te dine si te me vdesin.