Rasim Selmanaj

Lindi më 8 mars 1963 në Gllogjan të Deçanit. Ka mbaruar universitetin në degën e Biologji-Kimisë. Në vitin 1980 bashkë me disa veprimtarë të tjerë ka themeluar organizatën ilegale të të rinjëve "Shqiponja" , e cila ka vepruar në Deçan dhe në rrethinë.

Për shkak të veprimtarisë atdhetare është arrestuar dhe dënuar në vitet 1981, 1983 dhe 1992. Ndërkaq, ështe kapur nga forcat serbe më 24 mars 1998 , ditën e fillimit të luftës frontale në Rrafshin e Dukagjinit. Gjykata e Qarkut në Leskovc e dënoi me 6 vjet burg. Është liruar në mars të vitit 2001.

Një kohë ka qenë veprimtar politik dhe kryeredaktor i revistës "ZGJIMI" . Deri në janar të vitit 2003 ka qenë botues dhe kryeredaktor i gazetës së përditshme "24 ORË".
Aktualisht është botues i gazetës së përjavshme "FOKUSI" , dhe Këshilltar i Lartë Politik në MMPH . Është kryetar i Shoqatës së të Burgosurve Politik në Deçan, si dhe anëtar i kryesisë qendrore të AAK-së.


Ka botuar katër libra:

"Shtegtari i Lirisë",
"Melodi shiu në sytë e nënës"
"Peisazhi i ëndrrës" dhe
"Kur kalëroj kujtesën"

Është anëtar i Lidhjes së Shkrimtarëve të Kosovës. Është i martuar dhe ka tre fëmijë.