Papa Benedikti i 16 do të vizitojë Gjermaninë në vitin 2011

Gazeta "Bild", shkruan sot, se Papa Benedikti i 16-të do të vizitojë Gjermaninë, në gjysmën e dytë të vitit 2011. Kreu 83-vjeçar i Kishës Katolike e ka pranuar ftesën e presidentit gjerman, Kristian Vulf, për vizitën e parë zyrtare në vendlindjen e tij. Stacione të vizitës, përveç Berlinit, do të jenë edhe dioqezat e Erfurtit dhe Frajburgut. Dy vizitat e mëparshme në Gjermani janë quajtur nga vetë Papa, si private, apo baritore.