Hit pas Hiti

Janë duke e shijuar maksimalisht pritjen e këngës më të re të tyre, me të cilën prezantuan veten ne “Top Fest 8”, edhe pse mendjen e kane gjithmone tek e nesermja.

Duke folur per InfoPres kane thene se “Rina Rina” ka bere efektin e duhur tek publiku dhe kjo i bën të ndihen shumë mirë.

“Jemi të kënaqur, sepse kemi punuar mjaft gjatë për këtë projekt dhe jemi shumë të kënaqur për pritjen e mirë, e cila i është bërë nga ana e publikut. Ka arritur të ketë një shikueshmëri shumë të madhe dhe klikimet në ‘YouTube’ për këtë këngë kanë arritur afër 200 mijë. Ka arritur të ketë shikueshmëri gati më të lartën nga të gjitha këngët konkurruese. Jemi të kënaqur”, ka theksuar Besnik Çaka, lideri i grupit.

“Nuk e di, sa i përket publikut ne deri më tash jemi fitues, por ajo nuk varet nga ne, sepse aty është pjesa e jurisë dhe vlerësimet tjera që do bëhen. Tashmë kemi filluar edhe me përgatitjet rreth klipit dhe besoj që pas festivalit, klipi do të jetë gati. E kjo këngë do të jetë pjesë e albumit të katërt të grupit “NRG Band”. Albumi është në përfundim e sipër dhe presim masterizimin e tij”, ka pohuar Çaka.

Nderkaq te premten (22 Prill) nis faza gjysem finale e Top Fest 8, ku ne tre nete (cdo te premte) do te prezantohen kenget me te mira te ketij edicioni.