Saimir Murati.

Ne kete teme qe po hapi tani, do t'ju sjell disa vargje poezish te shkruara nga Saimir Murati...
Shpresoj qe tju pelqejne edhe juve ashtu sikurse mua.

Lexim te kendshem.

Saimir Murati - GOTA...


Kur më braktise ti,
e urreva tërë botën!
Mikun më të ngushtë,
bëra vetëm gotën!

Gota me raki,
e mbushur plot për plot!
Më bëri mua shoqëri,
në kohën që për ty derdhja lotë!

Sa herë e ktheja gotën,
shuaja një mal me hidhërime!
Me shpirtë të mallkoja ty,
që vodhe dashurinë e zemrës time!

Gota më jepte shpresa,
më nxiste të jetoja edhe pa ty!
Pa ty që më mbaje me gënjeshtra,
e që më pas ike e më le në vetmi!

Gota më bëri të harroja,
ç'do cast që kalova me ty!
Më dha kurajo të jetoja,
edhe pa të tënden dashuri!!!...

© S. Murati... Tetor - 2003

Saimir Murati - Jeta ime...

Jeta ime...
E ç'farë t’ju them, për të?!
Herë herë, plot hidhërime!
Herë herë e qetë, pa zë!

Jetën time...
E dua edhe përse, më zhgënjenë!
Fundja e fundit, kështu deshi fati!
Që të këtillë jetë, unë të kemë!

Jeta ime...
Lundron nëpër lumenjë, largësishë!
Mërguar larg, vendlindjes time!
Mërguar larg, prindërve dhe shtëpisë!

Jeta ime...
Ah sa e padrejtë, me mua u tregua!
Por gjithsesi, kjo është jeta ime.
Ndaj sërish unë, atë shumë e dua.

© S. Murati... Qershor - 2011

Saimir Murati - Kam kohë që pres...

Kam kohë që e pres një ditë të bardhë.
Atë ditë kur do të lindem për së dyti herë.
Kam thurur shumë ëndërra që i ruaj me mall.
Ditën kur do të kthehem sërishtë ne vendlindje.
Porsi zogu shtegtar që, kthehet në Pranverë.

© S. Murati... Shkurt - 2011

Saimir Murati - Largësitë…

I mora largësitë që, më ndajnë prej teje.
Me litarët e mallit, i lidha fortë për fyti.
Ofshamat i lëshova, si gjëmime rrufeje.
Nga thellësia e shpirtit që, loti m’a mbyti.

Sipër tyre si plak, këmbëkryqë u ula.
Drodha një cigare me vitet mërgimit.
Me shkrepësen e mallit, zjarrin i’a vura.
Pastaj u ngrita, u nisa rrugës së kthimit.

© S. Murati... Prill - 2011

Saimir Murati - Mbahu fort...

Mbahu fort.
I them vetvehtes shpesh herë.
Se pas ç’do dimri.
Lulzon një Pranverë.
Pas ç’do mbrëmjeje.
Zbardh një agim.
Pas ç’do trishtimi.
Lind një gëzim.
Mbahu fort, si lisi mbi shkëmb.
Të keqes, mos i lësho pe.
Të mirës gëzoju, aq sa e ke
Jetës, mos i mbaj mëri.
Se rregullat dhe fatin e saj.
Nuk i ndryshon dot, asnjeri.

© S. Murati... Prill – 2011

Saimir Murati - Zemra të kish harruar…

Pas shumë vitesh përsëri.
Rastësisht si dikur u takuam.
Të pafajshëm sikurse për herë të parë.
Drejt në sy u vështruam.

Prita që zemra e dalldisur.
Rrahjet e saj, do të shpejtonte.
Por atë çast kuptova qartë.
Se kjo zemër, për ty më nuk mendonte.

© S. Murati… Prill – 2011

Saimir Murati - NEN PUTHJEN E FUNDIT...

E ndersa une vuaja nga kujtimet e mia,
fjala lamtumire zemren ma therrmoi!
Si nje qiri i sosur u shua dashuria,
me shpirte mallkova jeten qe kete fat me dhuroi!

Prej syve te pafjetur loti me pikoi,
enderrrat u shnderruan moren teme trishtimesh!
Dashuria vdiq e cdo gje ndryshoi,
ndersa shpirti u kthye ne fole pikellimesh!

Nen qiellin e erret yjet me s'shkelqejne,
vargjet e loteve neper faqe me pershkojne!
Nen puthjen e fundit lamtumiren shkembejme,
por zemrat njera tjetren kurre s'do ta harrojne!!!...


© S. Murati... 2010

Tash edhe mua me pelqejn

TheBest shkruajti:

Tash edhe mua me pelqejn

Pershendetje TheBest dhe me behet qejfi qe edhe ju i pelqeni vargje te tilla, te mbushur me mall.

Saimir Murati - Djersën e ballit…

Djersën e ballit.
Që tokës mëmë, j’a pata borxhë,
por s’arrita dot t’ja laja.
Në gotë rakie e ngrej dolli!
Me njerëz që aspak s’i njohë.
E netëve vonë pa gjumë.
I dehur me lotë pendimi.
Gjithnjë në heshtje qaja.
Nga malli për vendlindjen.
Që për vite me radhë.
Nuk kam mundësi, t’a shohë!...

© S. Murati... Gusht – 2011

Saimir Murati - Atë natë...

Atë natë.
Hëna qëndronte e fshehur pas reve.
Yjet mbanin zi.
Pasi nuk dukeshin të vezulluar
Mëngjesi dukej sikur,
i'a kishin lidhur këmbët.
Ndaj nuk po bënte asnjë hap,
për t'u afruar.
Errësira e dendur,
si bishë kërciste dhëmbët.
Heshtja e frikësuar,
thellë në shpirtë strukej.
Priste agimin që nga ky tmerrë,
t'a ç'lironte.
Por edhe ai i trembej asaj nate te ërrët.
Dhe asgjëkundi nëpër horizont,
nuk po dukej.

© S. Murati... Prill - 2011

Armanda2012 shkruajti:

Pershendetje TheBest dhe me behet qejfi qe edhe ju i pelqeni vargje te tilla, te mbushur me mall.

Flm Armanda2012

Saimir Murati - U lodha...!!!

U lodha nga ëndërrat.
Që gjumin veç m’a trazuan.
Nga ëndërrat gënjeshtare.
Që asnjëherë s’mu realizuan.

U lodha nga rrugët.
Që veç zgjaten tutje largësive.
Rrugë të gjata pa fund e krye.
Ku të mbyt pluhuri i peripecive.

U lodha nga malli.
Që rëndë në shpirt më peshon.
Mall i dalldisur e kryeneç.
Që si llavë vullkani përvëlon.

U lodha përfundimishtë.
U lodha nga gjithçka.
Madje edhe nga vetë jeta.
Jetë që vetëm më ka vra.

© S. Murati... Shkurt - 2012

Saimir Murati - MUNGESA E NENES.

I pakenaqur e ne vetmi,
po me iken kjo jete e shkrete!
Nena me pret me lot ne sy,
qe te kthehem sa me shpejte!

Buza me dridhet e s'flas dot,
dhimbja ne shpirte me rendon!
Ne syte e mi ka vetem lote,
per nenen qe aq shume me meungon!#

U bene vite qe s'e shoh,
nenen time aq te shtrenjte!
Mungesa e saj shpirtin ma ftoh,
ketu larg ne te ziun kurbet!

Me mall e dhimbje e kujtoj,
e ndjehem keq kur se kam prane!
Mergimin e erret e mallkoj,
qe larg nenes po me mbane!

Mallkoj jeten dhe fatin tim,
mallkoj diten kur jam larguar!
Vajtoj e derdh lote pa pushim,
per ditet qe larg nenes, jam duke jetuar !!!...

© S. Murati...

Saimir Murati - Dua te qaj...

Dua te qaj.
Ta derdh lotin e nxehte.
Dua ta mbys me lote kete mall.
Qe me treti ketu larg, ne kurbet.

Dua te qaj.
Me lot malli e pendimi.
Ditet me te bukura te jetes sime.
Dite te cilat, mi rrembeu mergimi.

Dua te qaj.
Gjersa lotet te me shterojne.
Per dhimbjet dhe vuajtjet e pafundme.
Qe cdo skute te shpirtit, m'a pushtojne.

Dua te qaj.
A me kuptoni, o miq, dua te qaj.
Por vreri i hidhur me pengon.
Keshtu qe lotet, perbrenda shpirtit i mbaj.

© Saimiri... Qershor - 2011

uf qfar poezi te mira Flm Armanda