Love-Hewitt: Nuk jam e trashë

Aktorja Jennifer Love-Hewitt ka hedhur poshtë thashethemet që thonë se ajo ka shtuar sasi të tepërta të peshës, duke thënë se "madhësia 2 nuk nënkupton masën e shëndoshë!"
Fotografitë e javës së kaluar të 28-vjeçares, duke notuar në brigjet e Hawait, me të posa fejuarin aktorin skocez, Ross McCall, u shpërndanë në internet, derisa disa media thanë se aktorja ka shtuar peshë.
Por, ylli i filmit “Ghost Whisperer” është përgjigjur rreth thashethemeve për mbipeshë. “Si të gjitha femrat tjera, edhe unë e dua trupin tim”, ka thënë Hewitt. “E di se si dukem dhe e dinë edhe miqtë e mi dhe familja”.
Ajo ka shtuar, “Madhësia 2 nuk nënkupton të jesh e trashë! As që do të jetë ndonjëherë. Dhe të kesh madhësinë 0 nuk ju bën të bukur... Për të gjitha vajzat me vithe, gjinj, ijë dhe bel, vishuni në bikini dhe qëndroni fortë”.