Reperi 50 Cent do të interpretojë sonte në Prishtin

Reperi amerikan me famë botërore, 50 Cent, do të interpretojë sonte drejtpërdrejt në Prishtinë, që shënon edhe koncertin e parë e një super-ylli me famë botërore në Kosovën e pasluftës.
Të gjitha biletat e koncertit janë shitur, vetëm 10 orë pasi që ka filluar shitja e tyre, derisa pritet që mbi 28.000 adhurues të janë të pranishëm në stadiumin e kryeqytetit, përkundër të ftohtit që po mbizotëron në vendin tonë.

Merret vesh se për mbarëvajtjen e koncertit do të përkujdesen qindra policë, të cilët do të sigurojnë stadiumin dhe do të bllokojnë disa rrugë rreth tij.

Çmimet e biletave “në të zezë” kanë shkuar deri në 50 euro, që është dhjetëfishi i biletës me gjithë kartelë që ka ofruar operatori i ri i telefonisë mobile “Ipko”, i cili edhe e ka sjellë atë.

Pritet që shumë adhurues të reperit të arrijnë edhe nga Maqedonia e Shqipëria.