Alba shtatzënë refuzon të pozoj nudo

Jessica Alba ka refuzuar ta ndjek trendin e yjeve të famshme shtatzënë, që janë fotografuar nudo, për ballinat e revistave prestigjioze. Ylli i filmit, Sin City, ka bërë të ditur se është shtatzënë me të dashurin e saj, Cash Warren.
Qysh në ditën e parë, kur është publikuar lajmi për shtatzëninë e saj, Alba ka marrë tri oferta të majme për t’u fotografuar nudo për ballinat e revistave. Megjithatë, ajo ka bërë të ditur se, nuk dëshiron t’i ndjek hapat e Demi Mooret dhe Britney Spearsit – të cilat e kanë ekspozuar barkun e tyre të fryrë në revistat botërore.
"Ajo ka marrë tri oferta, qysh në ditën e parë të publikimit të lajmit për shtatzëninë e saj – mirëpo, që të tria i ka refuzuar”, ka thënë një burim i afërt me aktoren.