Dogg: Për shkak të fëmijëve nuk u ndava nga gruaja

Reperi i famshëm, Calvin Broadus, i njohur me emrin Snoop Dogg, ka shpjeguar këto ditë se dikur i kishte shkuar në mendje të ndahej nga gruaja, mirëpo nuk e kishte bërë një hap të tillë, sepse nuk dëshironte që dikush tjetër t’i edukonte fëmijët e tij.
“Doja të ndahesha nga gruaja, por ajo nuk ndahej nga unë. Ishte kohë kur isha i zënë me Hollywood, me femra të tjera dhe me jetën e natës. Më vonë kuptova se gjithçka që kisha në shtëpi ishte e pazëvendësueshme, andaj u largova nga ajo jetë dhe u ktheva në shtëpi”, ka thënë Snoop.
Dogg kishte kërkuar divorc nga bashkëshortja e tij, Shante, në vitin 2004, shtatë vjet pasi kishin kaluar së bashku. Mirëpo dashuria ndaj tre djemve të tij, Corde, Cordell dhe Cornil, ka bërë që ai ta ndryshonte mendjen.