Schwarzenegger planifikon t’i kthehet Hollywoodit

Ylli i filmit "Terminator" Arnold Schwarzenegger, detyra e të cilit si guvernator i Kalifornisë përfundon në janar të vitit 2011, veçse ka kërkuar nga skenaristë që të dalin me ide dhe të ndihmojnë atë në rikthimin e karrierës së tij të filmit.
“Një numër i skenaristëve të cilët aktualisht janë në grevë në Hollywood kanë pohuar që njerëzit e Arnoldit i kanë kontaktuar ata për ide të reja”, ka zbuluar një burim.

"Ai dëshiron të jetë i përgatitur për kohën kur karrierës së tij politike do t’i vij fundi dhe veçse ka filluar të mendojë për këtë seriozisht. Arnoldi beson që ende ka hapësirë për të në biznesin e filmave dhe ende e sheh veten si një yll i madh", ka shtuar burimi.

Zëdhënësi i Schwarzeneggerit ka komentuar thjeshtë: "Ai mund t’i kthehet filmave".