Winehouse para gjyqit norvegjez për marihuanë

Ylli britanik i muzikës soul, Amy Winehouse, do të duhet që personalisht të paraqitet para gjyqit në Norvegji, ku në muajin tetor është arrestuar për posedim dhe konsumim të marihuanës.
24-vjeçarja Winehouse, burri i saj Blake Fielder Civil, dhe floktari i saj, do të paraqiten para gjyqit në Bergen.
Gjykata më 18 dhjetor na ka dërguar një letër në të cilën thuhet se ata nuk mund të gjykohen në mungesë”, ka deklaruar avokati i angazhuar në policinë lokale, Rudolf Kristofersen.
Këngëtarja dhe të paditurit tjerë kanë kaluar disa orë në paraburgim, më 18 tetor në Bergen, dhe kanë paguar 500 euro gjobë për posedim të shtatë kilogramëve të marihuanës.
Vendimi i gjykatës norvegjeze është një sfidë e re për këngëtaren problematike, e cila këtë vit ka arritur sukses të madh profesional, por në disa raste është përballur me ligjin, për shkak të problemeve të saj me drogën dhe alkoolin.