Një dashuri e re për Jennifer Anistonin

Çfarë kanë të përbashkët Brad Pitt, Vince Vaughn, Orlando Bloom, Charlie Schlatter, Daniel McDonald, Tate Donovan, Adam Duritz e Paul Sculfor? Asgjë, do thoshit. Përveç një femre, që quhet Jennifer Aniston.
Me Anistonin të lartpërmendurit kanë pasur një histori, në mos edhe ndonjë martesë si në rastin e Brad Pittit, me të cilin aktorja e “Friends” u martua në vitin 2000 pas një fejese, që zgjati dy vjet e gjysmë.

Dhe që nga ajo kohë jeta sentimentale e “të varfrës” Jennifer, e braktisur për kolegen e saj, Angelina Jolie, ka qenë një itinerar sa te një mashkull sa tek një tjetër. Por këtë herë ka ardhur momenti i shpëtimit: sipas të përjavshmes “Star”, aktorja po del me modelin dhe aktorin Jason Lewis.

“Janë zbuluar se kanë një mori gjërash të përbashkëta. Jason është i çmendur pas Jenniferit”, ka thënë një mik i aktores.