Sean Penn kryetar i jurisë në Festivalin e Cannes

Për kryetar të jurisë në Festivalin e 61-të të Filmit në Cannes, është përzgjedhur aktori Sean Penn. Aktrimi i shkëlqyeshëm dhe kualitetet e tij si regjisor, kanë qenë arsye të mjaftueshme që ai të zgjidhej në këtë detyrë.
Aktori dhe regjisori amerikan, Sean Penn, për shpërblimet e këtij festivali do të diskutojë nga data 14 deri më 25 maj, kur edhe mbahet ky manifestim i madh i kinematografisë botërore.
"Festivali i Cannes një kohë të gjatë ka qenë vend kryesor për zbulimin e risive në produksionin filmik. Më vjen mirë që do të marr pjesë në të, dhe atë si kryetar i jurisë", ka komentuar aktori i famshëm.