Lohan ka mbetur trokë – huazon para nga miqtë e saj

Megjithëse konsiderohet si një prej aktoreve më të paguara në Hollywood, Lindsay Lohan, ka mbetur trokë. Ajo ka shpenzuar gjithë pasurinë e saj prej 7 milionë dollarësh në drogë, alkool dhe rehabilitim – ndërsa tash është detyruar të marrë para hua nga miqtë e saj.
“Lindsay haptas ka kërkuar lëmoshë nga miqtë e saj – pasi që nuk i ka mbetur asgjë për të shpenzuar”, ka thënë një burim i afërt me aktoren.

Harxhimet ekstreme të aktores në argëtime, thuhet se kanë përfshirë madje një shumë prej 1 milionë dollarësh për vetëm një faturë në hotel. Ndërsa së fundi thuhet se ajo ka shpenzuar më shumë se 137 mijë dollarë për rehabilitimin e saj.

Lindsay po ashtu mendohet se ka harxhuar mbi 1 milionë dollarë në veshje dhe 500 mijë dollarë në ahengje të ndryshme, dhe 70 mijë të tjera në sallonet e bukurisë.