Edona Llalloshi më e suksesshmja e vitit 2007

Këngëtarja e njohur kosovare, Edona Llalloshi, sipas votave tuaja të shumta që kanë arritur në adresë të emisionit tonë është shpallur si këngëtarja më e suksesshme e vitit 2007.
Nga 1902 vota, 366 prej tyre ishin për këngëtaren Llalloshi. Në intervistën dhënë emisionit tonë, Llalloshi është shprehur të jetë shumë e kënaqur me këtë fitore, duke e konsideruar si një sukses të madh për vitin 2007 në karrierën e saj muzikore. Duke i falënderuar fansat e saj, Edona është shprehur: “I falënderoj të gjithë ata që kanë votuar për mua meqë vota e tyre është më e rëndësishme se çdo gjë tjetër për mua” - ka thënë këngëtarja duke shtuar se kjo fitore është një përgjegjësi e madhe për të. Gjatë vitit 2007 Edona Llalloshi ka realizuar albumin “Himni i Dashurisë”, nga i cili mund të veçohet kënga “Ditë për ditë”. Madje në një material të përgatitur nga emisioni ynë që kishte të bënte me albumet më të shitur gjatë sezonit veror, albumi i saj qe në mesin e më shiturve.