Reese Witherspoon Femra Më Magjepsëse Në Mesin E Yjeve

Edhe pse filmi i saj "Rendition" nuk ka kaluar si është pritur në kinematë botërore, fituesja e çmimit Oscar, Reese Witherspoon, nuk ka probleme me popullaritet. Ajo është më e adhuruara në tri fusha, e plus kësaj e dashuron edhe Jake Gyllenhaal.
Sipas një hulumtimi të publikuar të premten, Reese Witherspoon është më e adhuruara në mesin e dhjetë grave, të cilat gjatë vitit të kaluar më së shpeshti janë paraqitur në ballinat e revistave.

Hulumtimi i kompanisë E-Poll Market Research me mostër prej 1.100 personash, ka dëshmuar se, Witherspoon është më tërheqësja, më interesantja dhe më glamurozja në mesin e personave të shquar.

Witherspoon gjendet në krye të listës me rejting të tërheqjes personale prej 74 për qind, ka njoftuar kompania.

Në vendin e dytë është mbisunduesja e ballinave, Jennifer Aniston, me 70 për qind, e treta është Angelina Jolie, me 53 për qind, derisa përcillet nga Jennifer Lopez, me 52 për qind, Katie Holmes, me 32 për qind dhe në vendin e gjashtë, Victoria Posh Beckham, me rejting të tërheqjes prej 28 për qind.

Në fund të listës janë gratë e famshme dhe problematike Nicole Richie, Lindsay Lohan dhe Britney Spears, si dhe e fundit Paris Hilton.