STRUGA, qyteti me i bukur ballkanik...

Titulli: STRUGA, qyteti me i bukur ballkanik... 8/1/2008, 22:51

STRUGA

Në qytetin e Strugës (Maqedoni), i banuar nga shumica shqiptarë dhe i shtrirë butë në brigjet veriore të Liqenit të Ohrit, nisën "Mbrëmjet Strugane", një aktivitet tradicional ndërkombëtar, i 46-ti në radhë që kur u krijua.
Qyteti tipik turistik, me vila dy dhe tre katëshe, me oborre qarkuar me lule, ndërtuar në antikitet mbi rrugën "Egnatia", e njohur me emrin Enhalon (emër zogu), ka ftuar këtë vit 28 poetë nga 25 vende të botës. Nuk mungojnë në këtë manifestim të poezisë dhe poetët shqiptarë nga Maqedonia, Selajdin Salihu, Lulzim Haziri, Resul Shabani dhe Mustafa Spahiu, nga Shqipëria, poeti Xhevahir Spahiu, ndërsa nga Kosova, Ali Podrimja. Të ftuar janë të mirënjohurit e letrave shqipe, Ali Aliu dhe Luan Starova.
Qyteti që i thotë çdo ditë mirëmëngjes Pogradecit, qytetit që i qëndron përballë, matanë liqenit, ndahet më dysh nga Drini i Zi, lumi që i jep pa drojë në çdo orë të ditës apo të natës tisë magjike vendbanimit të lashtë që, sipas burimeve historike, u krijua në periudhën e Neolitit. Pastaj qetësia është një me pastërtinë e kalldrëmëve ku shkel, të ruajtura bukur, sikundër dhe shtëpitë karakteristike, të restauruara vetëm mbi stilin e vet origjinal.
Për qytetin tradicional ku banojnë 35 509 banorë, duket se është më se e zakonshme që në çdo prag vere, pas përgatitjeve të zellshme për sezonin turistik, ai të presë dhe disa qindra banorë që jetojnë në emigrim, që nuk harrojnë që pushimet t'i kalojnë në vendlindjen e tyre, buzë bregut të liqenit më të thellë të Ballkanit. Dhe duket se kultura e Strugës përfaqëson sot vlerat më të mira të këtij qyteti, të cilat dashuria e njerëzve i ka ruajtur edhe kur presioni ka qenë i fortë ndaj popullsisë shqiptare, në ish-Republikën Jugosllave të Maqedonisë.
Ndaj sa herë që mbërrin muaji gusht, jo pak poetë kanë jo vetëm dëshirën poetike të shkojnë atje sërish. Filozofi i nderuar i shekullit të 20-të, Edgar Morin, ndërsa zbuloi atdheun e tij nga burimet e Drinit, pranë manastirit të Shën Naumit, u mahnit nga bukuria hyjnore e peizazhit.
Poeti spanjoll Justo Jorge Padron, disa vjet më parë, i dërgonte një mesazh botës nga "Mbrëmjet e Poezisë së Strugës". Në këtë mesazh, ai e quante qytetin mikpritës të kësaj veprimtarie kulturore: Struga-emri mitik i poezisë.
Struga, qyteti i vogël me shumicë shqiptare, po ku ka edhe maqedonas, turq, vllehë apo edhe magjypë …, dhe ju bashkëjetesa tani është ligjëruar nga vetë njerëzit pa kundërshti, krenohet çdo vit për festivalin e poezisë që ajo organizon, për Parkun e Poezisë, ku fituesit e "Kurorës së Artë" që shpall ky aktivitet, kanë të mbjella pemët e tyre.
Kësisoj, Struga është një përfaqësuese virtuoze e letërsisë në botë dhe një zenith ku takohen meridianët poetikë botërorë. Dhe kjo nuk ndodh rastësisht kur kujton se Struga është qendra e poezisë dhe djepi i ringjalljes shpirtërore e shekullit të 19.

» STRUGA, qyteti me i bukur ballkanik...
» Qyteti Ime - 403
» ...:: STRUGA PHOTOS ::...
» Poezi Nga AdmiraL