Olga Kurylenko partnerja e re e Bondit

Emri i partneres së ardhshme të agjentit sekret, James Bond, nuk është më sekret. Ajo është bukuroshja ukrainase, Olga Kurylenko, kanë njoftuar mediat botërore.
Drejtuesit e shtëpisë filmike, Columbia Pictures, që është realizatore e filmave të popullarizuar për agjentin 007, kanë thënë se aktorja-28 vjeçare Kurylenko, ka pasur një nga rolet më joshëse të partneres së agjentit Bond, që kur ka filluar rrëfimi filmik për të, në vitin 1962.

Filmi i ri për agjentin 007, i 22-ti me radhë, ku sërish në rolin kryesor paraqitet aktori Daniel Craig, do ta ketë premierën botërore në muajin nëntor të këtij viti.