Ledja Tusha, shqiptarja përfaqëson Kanadanë në Miss Universe

Është vetëm 24 vjeçe. Eshtë shqiptare. E lindur në Tiranë, dhe prej pesë vjetësh jeton në Kanada, ku jeton së bashku me familjen.
Studion për mjekësi në Universitetin Ryeson dhe punon në kompaninë bankare “TD Canada Trust”. Quhet Ledja Tusha dhe këto ditë ka prekur gjithë faqet rozë të shtypit kanadez. Është përzgjedhur si përfaqësuesja e Kanadasë për pjesëmarrjen në Miss Univers. Shqiptarja është përzgjedhur tri ditë më parë fituesja e një nga shtatë kandidatet për Miss Universi - Kanada 2008. Media elektronike shqiptare dhe forumet virtuale i kanë kushtuar vëmendje të madhe bukuroshes shqiptare në Kanada.
Për gazetat kanadeze, Tusha është shprehur se ëma ka luajtur një rol të rëndësishëm në jetën e saj. Dhe ka lënë pas karrierën - për t’i dhënë Ledjas një mundësi për një të ardhme më të mirë dhe për të realizuar ëndrrat. Ledja i beson shumë thënies së artë kanadeze: “Mëso të japësh - atë çfarë t’i kërkon”. Ajo e ndjen që duke fituar titullin Miss Universi Kanada, do të ketë një mundësi dhe fuqi të plotë për të ndihmuar organizatat bamirëse. Shton se e ndjen që do të ketë përpara tani një nivel të ndryshëm, duke përfaqësuar këtë shtet të bukur. Por pikësynimi i saj është që të zotërojë dhe të menaxhojë në tregun e Boutique Hotel. Duke ardhur në Kanada dhe duke lënë pas kujtimet e fëmijërisë, shoqërinë dhe të afërmit, për Tushën ka qenë një kalim i vështirë. Por që shumë shpejt u vu re që çdo gjë shkoi më mirë, ashtu ndoshta dhe si ajo e kishte menduar.