Shakira humb rolin për shkak të skenave nudo

Këngëtarja Shakira ka bërë të ditur se ka refuzuar shansin për të aktruar në filmin "Love In The Time Of Cholera", për shkak se nuk ka dëshiruar të zhvishej para kamerave.
Shakira ka thënë se autori i librit ku është bazuar filmi, Gabriel Garcia Marquez, e kishte propozuar këngëtaren të luajë në këtë film. Porse 30-vjeçarja ka refuzuar për shkak se skenat nudo mund të zemëronin prindërit e saj.

"Në film përfshiheshin edhe skena lakuriqësie, andaj thash jo. Prindërit e mi nuk do ta pëlqenin aspak, dhe i thash regjisorit, faleminderit por jo”, ka thënë këngëtarja kolumbiane. Megjithatë, ajo është nominuar për Golden Globe, por këtë herë për këngën e këtij filmi.