Mendes dikur donte të bëhej murgeshë

Aktorja seksipile, Eva Mendes, e cila lë pa frymë shumë meshkuj në botë – dikur ka dëshiruar një profesion tjetër. Ajo ka bërë të ditur se dikur kishte planifikuar të bëhej murgeshë, mirëpo ka hequr dorë kur kishte zbuluar se ato nuk merrnin rrogë.
Bukuroshja latine ishte rritur në Los Angeles me prindër kubanez dhe amerikan, dhe kishte vendosur t’i përkushtohej kishës katolike dhe të bëhej motër nderi. Por në fund, ajo kishte zgjedhur paratë përpara religjionit.

“Dëshiroja të bëhesha murgeshë, derisa motra ime më tregoi, ‘Eva, a e din, murgeshat nuk paguhen’. Dhe atëherë thash, ‘Harroje!’. Gjithmonë kam dëshiruar një jetë të mirë në aspektin financiar”, ka thënë aktorja.