Berry ndihmon viktimat e dhunës në familje

Aktorja shtatzënë Halle Berry do të ndihmojë në rritjen e fondeve për një organizatë, e cila ndihmon njerëzit që vuajnë nga dhuna në familje, duke luajtur golf.

Aktorja e njohur nga filmi “Catwoman” do të mbajë një turne të golfit në “Gate Country Club” në Los Angeles në muajin prill të këtij viti, dhe të gjitha të ardhurat do t’i dedikohen organizatës “Jenesse Center”, një program që mbështet njerëzit, të cilët janë të prekur nga ky krim. “Më 28 prill do të jetë një ditë e mbushur me plot argëtim, dhe po ashtu ditë e rëndësishme për të mbledhur fonde për të ndihmuar viktimat e dhunës familjare. Nëse punojmë së bashku, atëherë mund ta ndalim këtë dhunë. Do ta kalojmë shumë mirë”, ka thënë ajo. Dhuna në familje e ka prekur edhe vetë aktoren, e cila kishte një fëmijëri të vështirë për shkak të babait abuziv, Jerome.