Pete Doherty i gatshëm të niset drejt SHBA-së

Të qëndrojë larg Kate Moss duket se i ka dhënë një shtysë më shumë. Pete Doherty thuajse ka dalë sërish nga bota e errët e drogës dhe është gati për t’u nisur në Shtetet e Bashkuara të Amerikës në kërkim të fatit.
Lideri i bendit “Babyshambles” ka bindur menaxherin e grupit të investojnë me muzikën e tyre edhe përtej oqeanit. “Meqë e kanë bërë Beatles mund ta bëj edhe unë”, ka thënë Doherty sipas tabloidit “Sun”.

Suksesi i albumit të fundit të grupit, “Shotter’s Nation”, ka shtruar një rrugë shpresash për Pete, i cili hapat e parë drejt USA-s po i hedh përmes medias.