Lenny Kravitz ka hequr dorë nga seksi

Rokeri Lenny Kravitz ka hequr dorë nga seksi dhe ka thënë se ka qenë "i paprekur" për tri vite si pasojë e këtij vendimi. Ai zotohet se do të presë deri sa të martohet, për ta provuar sërish.
Këngëtari i njohur me hitin “Are You Gonna Go My Way”, gjatë të kaluarës ka qenë i lidhur me disa prej femrave më të bukura të Hollywoodit, përfshirë Nicole Kidman, Madonna dhe Penelope Cruz, por tashmë ka abstenuar nga kontakti fizik derisa të martohet.
“Është vetëm një premtim të cilin e kam dhënë deri sa të martohem. Femrat duhet të mësohen të vijnë tek unë me diçka tjetër, jo vetëm me trup, por edhe me mendje dhe me shpirt. Kjo zakonisht ju pengon, por kështu do të jetë”, ka thënë Kravitz.
Ai u nda nga gruaja e tij Lisa Bonet, në vitin 1991, pas katër vitesh së bashku.