Ferguson: Edhe dy vjet me Rajan Gigsin

Titulli: Ferguson: Edhe dy vjet me Rajan Gigsin 4/2/2008, 13:17

Ferguson: Edhe dy vjet me Rajan Gigsin

Mesfushori rekordmen te Mançeseri, Rajan Gigs, ka marrë besimin e plotë të trajnerit Sër Sleks Ferguson se e ka mundësinë të luajë edhe për dy sezone të tjera. Gigs, 33-vjeçar, është lojtari i parë që ka arritur të fitojë nëntë herë Premier Ligën. Ferguson nuk sheh ndonjë fund për karrierën e Uellsianit. "Ai ka qenë fantastik në kapacitetin që vazhdon ta tregojë edhe sot e kësaj dite, - tha Ferguson. - Mendoj se Rajan do të luajë edhe për dy sezone të tjera, pasi ai është kujdesur për këtë ditë. Mendoj se ai nuk ka humbur shumë nga ai shkëlqim që ka pasur në të kaluarën. Ndoshta nuk është aq i shpejtë sa në kohën kur ishte 17 vjeç, por, megjithatë, është ende një lojtar me cilësi". Mesfushori i kombëtares së Uellsit ka luajtur 714 ndeshje me fanellën e "djajve" dhe gjendet në vend të dytë në këtë aspekt, pas Bobi Çarltonit, i cili mban rekordin me 752. Por influenca e tij në skuadër është ende e madhe. "Ai mund të luajë në qendër të mesfushës. Për 15 vite radhazi ai ka luajtur lart e poshtë në krah, - tha Ferguson. - Ka ndeshje që e kam aktivizuar në krah të majtë, por më shumë e shoh si mesfushor të qendrës". Shumica e suksesit të këtij sezoni u është atribuar Kristiano Ronaldos dhe Uejn Runit. Megjithatë, një pjesë e rëndësishme e këtij suksesi kanë qenë edhe veteranët, si Gigs. "Ai, Pol Skolls dhe Geri Nevill nuk do të kenë probleme edhe për dy sezone të tjera, - tha Ferguson. - Nev, si mbrojtës, mund të luajë deri në moshën 36-vjeçare. Pol Skolls është rikthyer tepër suksesshëm; Ole Gunar Solskjaer ka shënuar 11 gola këtë sezon dhe, nëse të njëjtën gjë e bën edhe sezonin tjetër, do të isha tepër i kënaqur. Veteranët na kanë ndihmuar shumë".

» Edhe Pirat edhe Infermier.
» Malte, Duka kerkon impenjim nen syte e Ferguson
» 300 Vjet Per Ty - Adrian Gaxha
» Qe Dy Vjet - Adem Ramadani