Frid: Kosovës i duhet edhe më tutje ndihmë e madhe

Zyrtari i lartë i Departamentit amerikan të shtetit, Daniel Frid tha se Kosova ka nisur një fillim të mbarë që nga shpallja e pavarësisë nga Serbia, mirëpo ka shtuar se vendit i duhet edhe më tutje ndihmë e madhe. Ai tha se Kosovës i duhen rreth 2 miliardë dollarë ndihma deri në fund të vitit. Frid tha se Shtetet e Bashkuara do të kontribojnë me 25 përqind të shumës, ndërkaq pret që Bashkimi Evropian të mbulojë pjesën tjetër. Këto komente ai i bëri para Komitetit për Marrëdhënie me Jashtë të Senatit amerikan.