Intervistë me Pamella Anderson

Titulli: Intervistë me Pamella Anderson 14/3/2008, 03:29

Ben si Pamella!
Intervistë me Pamella Anderson Pamela_anderson_2

Nëse keni menduar se së shpejti mund ta shihni në ndonjë rol përtej atyre që e keni parë deri më sot, harrojeni.
Sepse biondina e plazheve, Pamela Anderson, as që ka ndër mend ta bëjë diçka të tillë. Nuk i pëlqen të qenit aktore serioze, edhe pse tashmë ka fiks moshën për të qenë e tillë. Sapo ka mbushur dyzet vjeç. Tamam në moshë për të dhënë një mesazh: “Mos mendoni për asgjë. Nuk ia vlen”.

Të bësh ç’të të teket dhe të mos e vrasësh mendjen shumë. Nuk është ndonjë formulë psikologjike që po bën xhiron e botës. Kjo është motoja e Pamela Anderson, që tashmë i ka mbushur të dyzetat. Ish-roja baywatch tashmë prej kohësh bën vajtje-ardhje mes Las Vegasit, ku është asistente e iluzionistit Hans Klok, dhe Los Anxhelosit, ku jeton në shtëpinë e saj me fëmijët dhe së fundmi është duke përgatitur një serial të ri televiziv të quajtur “Malibu”. Biondja seksi as ka qenë e duket se as që ka ndër mend të bëjë pjesë ndonjëherë në skuadrën e aktorëve seriozë.
“Nuk mendoj sa jam aq ambicioze. Kënaqem me atë që kam”, ka deklaruar aktorja me trupin e hatashëm për një revistë. E nëse mendoni se ajo duhet të vuajë shumë për të arritur në atë formë fizike perfekte, dijeni se Pamela nuk lodhet asnjë fije për të pasur bark të sheshtë, lëkurë të lëmuar dhe muskuj të tonifikuar. Nëse ka një trup që bën të zilepsen gratë e të gjithë botës, sekreti nuk qëndron as tek dietat e as tek aktiviteti fizik. Sepse siç e pranon edhe vetë Pamela: “Nuk kam ndjekur kurrë një dietë në jetën time”. Siç duket natyra është treguar më se bujare me të. Sigurisht pa lënë mënjanë edhe faktin se Pamela është vajzë trime dhe nuk e ka aspak frikë bisturinë.

Për të gjithë ata që e dyshonin, por nuk ishin të sigurt, ka ardhur momenti i së vërtetës.

Po, Pamela Anderson është pikërisht dyzet vjeçe. Po ç’rëndësi ka kjo për të? As që
ka sjellë ndonjë ndryshim ky fakt në jetën e saj. Madje këto kohë më shumë se kurrë është e impenjuar sa s’ka më. Gjatë tre muajve të ardhshëm do të jetë e angazhuar në Planet Holllywood në Las Vegas në spektaklin e Hans Klok, i cili për të shtuar edhe më dozat spektakolare, do ta fusë aktoren brenda një kutie të madhe dhe... do ta bëjë copa-copa para syve të të gjithëve. Një performancë, që aktorja nuk kishte asnjë arsye pse ta refuzonte. Edhe pse tashmë është dyzet vjeçe. Veçse ajo vetë e ka zbuluar këtë vetëm para disa ditësh. “Unë di që 1 korriku është data e ditëlindjes sime. Por isha e sigurt se këtë vit mbushja 39 vjeçe. Thjesht kisha gabuar në bërjen e llogarive. Mua nuk më intereson fare nëse vitet kalojnë, nëse mbush dyzet apo pesëdhjetë, apo nëse kjo do të thotë se po plakem. Unë festoj çdo ditë që kalon”. Fundja s’ka pse ta vrasë
mendjen për një gjë të tillë, përderisa asgjë në qenien e saj nuk e tregon këtë. E sidomos në aktivitetin e saj prej diveje Hollywood-i.

Intervistë me Pamella Anderson Pamela_anderson_9

“Tashmë jam në një periudhë të shkëlqyer të jetës sime”, vazhdon rrëfimin Anderson, që për fundjavë ndodhet në Las Vegas kurse gjatë ditëve të tjera shkon në Los Anxhelos për të kaluar më shumë kohë më fëmijët e saj. Madje së shpejti do t’u kthehet edhe një herë kohëve të vjetra, kur vigjilonte bregut të detit në Hawaii, gjatë serialit që e bëri të famshëm, “Baywatch”. “Vitin tjetër do të interpretoj një telefilm të ri, me po të njëjtin grup njerëzish që kanë prodhuar “Baywatch”. Do të titullohet “Malibu”. Më pëlqen që do të jem pjesë e kastit të aktorëve pjesëmarrës edhe për një fakt tjetër: sepse xhirimet do të bëhen dy hapa
arg shtëpisë sime”.

Sa për rolin, aktorja që prezantoi në Festivalin e Kanës filmin
“Blonde and blonder”, nuk ka shumë pretendime dhe kënaqet me pak.
Ajo as që ka ndër mend të bëhet copa për të synuar karrierën si aktore profesioniste e kinemasë dhe fakti që ndokush mund ta ironizojë imazhin e saj prej biondine plazhi (në filmin “Borat” Baron Cohen përshkon gjithë Amerikën për të takuar Pamelën e tij) e ngazëllen. “Baron Cohen është një djalë i mrekullueshëm, por edhe një
gentleman i vërtetë. Filmi “Borat” është fantastik dhe shumë më serioz nga sa mund të mendohet”, i vë vulën Pamela. Në fund të fundit fakti që ajo ka luajtur në një film komik, nuk është për të vënë duart në kokë. Sepse, sipas saj: “Edhe unë kam pasur ulje dhe ngritje si çdokush, por ju them diçka: Kush ka prekur fundin në aspektin e poshtërimit, më pas s’i ngelet gjë tjetër veçse të rilindë”. Dhe mendimi të shkon menjëherë tek viedoja seksi skandaloze me ish-burrin e saj Tommy Lee, që bëri xhiron e botës. Por Pamelës aq i bën. Nuk është nga ato që e vret mendjen për “vogëlsira”. Madje ca gjëra të bëjnë më shumë mirë sesa keq. Dhe këtë Pamela mund ta vërtetojë më së miri. Eksperiencave të tilla ajo nuk u thotë kurrë jo.
Si për shembull idesë së hedhur nga Gwyneth Paltrow, e cila ka thënë se drekon gjithmonë e zhveshur nudo, për të shijuar edhe më shumë trupin e saj. Në lidhje me këtë, Pam s’mund të ketë veçse një përgjigje: “Çfarë ideje seksi!
Unë jam gjithmonë në kërkim të aktiviteteve të reja që bëhen duke qenë lakuriq. Nuk e kisha menduar kurrë më parë. Leqë, unë nuk mendoj kurrë për asgjë. Unë mendoj se të mendosh nuk vlen për asgjë”.

» [Interviste] Interviste Exkluzive ne Rrokum TV-Genta Ismaili
» Ingridi sfidon Pamela Anderson
» Interviste me Adi Krasta