Blunt preferonte jetën në ushtri

Këngëtarit të njohur James Blunt duket se i mungon koha kur shërbente në armatën britanike, pasi që ka thënë se roli i tij si ushtar ka qenë më i lehtë se ky i yllit të muzikës.
Para se të fillonte karrierën muzikore, këngëtari i njohur me hitin “You’re Beautiful”, ka qenë anëtar i njësitit ushtarak britanik që ka shërbyer në Kosovë.

“Vërtet kam qenë i qetë në ushtri, si në shtëpi. Më mungon jeta e ushtarit pasi që nuk kritikohet nga njerëzit”, ka thënë Blunt.

“Në ushtri ishim të sigurt nga njëri tjetri dhe askush nuk merrej me gjërat e mia. Tash jam në industrinë më të kritikuar në botë”, ka shtuar ish-ushtaraku.