Ryder sërish kapet duke vjedhur

Winona Ryder është akuzuar për vjedhje në shitore për të dytën herë. Aktorja 36-vjeçare, shkaktoi ndezjen e alarmit, kur u mundua të largohej nga një farmaci, me një kuti grimi të cilin nuk e kishte paguar.
“Winona e kishte çantën të mbushur me gjëra, por ajo nxiti alarmin kur u largua nga shitorja. Kur rojet e sigurimit e ndaluan, gjetën në çantën e saj disa produkte të cilat nuk i kishte paguar”, ka thënë një punëtore.

Kur aktorja është pyetur rreth grimit të vjedhur, Winona e habitur është përgjigjur, “Nuk e di si ka ndodhur”.

Ryder ishte arrestuar për vjedhje edhe në dhjetor të vitit 2001, kur ishte akuzuar për vjedhje të veshjeve dhe stolive të vlefshme 5.500 dollarë.