Jolie ia dorëzon shpërblimin gazetares Pearl

Aktorja hollywoodiane, Angelina Jolie, dukej shumë e emocionuar derisa po ia ndante shpërblimin “Fern Holland Award” mikes së saj Mariane Pearl, në ceremoninë “Vital Voices Global Leadership Awards” në Washington, D.C. Jolie, e cila thuhet se është shtatzënë me binjakë, ka aktruar Pearl në versionin filmik të librit të saj “A Mighty Heart”.
Jolie e ka quajtur Pearl një nënë të shkëlqyer dhe një shembull të “kurajës, shpresës dhe tolerancës”. Pearl, gruaja e gazetarit të vrarë Daniel Pearl, e ka quajtur aktoren “motër” gjatë fjalimit të saj. Jolie, 32 vjeçe, ka marrë pjesë të martën në Këshillin për Marrëdhënie të Jashtme në Washington D.C. Kjo ngjarje është bërë për të ndihmuar Jolien në përkrahje të edukimit për fëmijët e konfliktit, që do të përqendrohet në ndihmën e organizatave bamirëse dhe rrëfimin e tregimeve të fëmijëve nga vendet në konflikt.