Tyler pranon vartësinë nga qetësuesit

Frontmeni i grupit legjendar "Aerosmith", Steven Tyler, ka pranuar se vartësia e tij nga barnat për qetësimin e dhimbjes e ka dërguar atë në rehabilitim.
Këngëtari është anëtarësuar në një qendër rehabilituese në Pasadena të Kalifornisë muajin e kaluar, pasi që nuk kishte mundur të “vetëpërmbahej nga mosmarrja e drogës, edhe pse 20 vite më parë kishte hequr dorë nga drogat e forta.
“Nuk mund të flija nëse nuk merrja barna për qetësim. Nuk e di për tjerët, mirëpo unë duhej të çohesha dhe të ecja nëpër dhomë, dhe nuk më pëlqente një gjë e tillë”, ka shpjeguar vokalisti.