Elvana nuk ka qenë e dashura e Getit?

Këngëtarja, Elvana Gjata, e ka cilësuar lidhjen e saj me Getoar Selimin, vetëm si lidhje profesionale në muzikë dhe assesi si lidhje dashurie.
“Kam thënë disa herë se nuk kam kurrfarë lidhje me Getin dhe se të gjitha çka janë folur janë thashetheme”, ka thënë këngëtarja Gjata për gazetën “Express”.

Por, sa vlen kjo kur Elvana ishte parë dorë për dorë me Getin gjatë spektaklit “Video-Festi Muzikor 2007”, ndërkaq ata edhe kishin shkëmbyer kritika gjatë të njëjtit festival në vitin 2008.

Ndërkaq, në lidhje me atë se pse djemtë kosovarë pëlqehen nga vajzat në Tiranë, Gjata ka thënë se ndoshta kjo ka të bëjë me atë se djemtë e Shqipërisë janë bërë bajat për vajzat shqiptare dhe nga kjo vjen ky cilësim.

“Megjithatë, të dy palët janë të bukur. Pra, populli shqiptarë është i bukur”, ka thënë ajo.