Polanski, 1977-2009 ( i lire ) tash ne vuajtje

Polanski ndihet i stresuar në burg


Nga Express më 11.10.2009 në ora 17:06

Regjisori Roman Polanski ndihet i stresuar pas dy javëve të arrestimit të tij në Zvicër ku pas pak do të përballet me ekstradimin e tij në SHBA pas rastit të vitit 1977 që e involvon atë në dhunim të një vajze 13 vjeçare, ka thënë avokati i tij të dielën.

“E kam parë që është i lodhur dhe i stresuar”, ka thënë Herve Temime për gazetën “Sonntag” njëra nga dy gazetat që ka folur më së shumti për fituesin e çmimit Oskar dhe burgimin e tij në Zurich.

“Roman Polanski, i cili është 76 vjet, duket shumë i brengosur dhe i stresuar kur e kam vizituar atë”, ka thënë Temime për gazetën.

“Polanski ishte në një gjendje të keqe mendore”.

Polanski është shpallur fajtor nga Los Angeles pasi ka pasur seks me një vajzë 13 vjet në vitin 1977 dhe ka kaluar 42 ditë në burg duke bërë teste të ndryshme psikiatrike.

Megjithatë, ai është larguar para se rasti të përfundoj sepse ka besuar se gjykata do ta dënoj atë me 50 vite burg.

Autoritetet zvicerane kanë refuzuar të tërheqin lirimin e Polanskit të martën dhe po ashtu kanë kërkuar nga gjykata zvicerane që të bëjnë ekstradimin e Polanskit. Ata kanë refuzuar edhe kërkesën e avokatëve për lirim me kusht të tij.

Zyrtarët zviceranë kanë thënë se ata besojnë se është rrezik i madh që Polanski të lirohet me kusht.

Temime ka thënë për gazetën Sonntag se Gjykata Federale e Zvicrës do të merr një vendim “shumë shpejt” por do ta liroj atë më kusht.

“Ai do t’i plotëson të gjithë kushtet për të qëndruar në Zvicër gjersa të kryhen procedurat e ekstradimit”, ka thënë ai.

Regjisori, i cili mban shtetësi të dyfishtë franceze dhe polake, ishte arrestuar me kërkesë të autoriteteve amerikane kur ai ka ateruar në Zvicër me 26 shtator për të marrë një çmim për të arritjet e tija të mëdha kinematografike në një festival filmi në Zurich.