Rinna ka dëshirë të flaktë të ftohet në serial

Lisa Rinna ka dëshirë të madhe të jetë pjesë e grupit të aktorëve të cilët do të luajnë në ribërjen e serialit "Melrose Place".


Aktorja është bërë e famshme pikërisht me rolin e Taylor McBride në serialin televiziv amerikan “Melrose Place”, kur në vitin 1996 iu bashkëngjit aktorëve të tjerë për t’u shfaqur në dy sezone.


Aktualisht producentët televizivë kanë njoftuar se po punojnë për një version të radhës të serialit, ndërsa Rinna ka kërkuar nga ata që ta përsërisë rolin e saj.

“Tregojuni atyre se unë jam në dispozicion dhe e gatshme të luaj. Jam shumë punëtore dhe shumë profesionale...”, u ka thënë Linna gazetarëve, duke qenë e vetëdijshme se ajo nuk është e para në listë.