“Slumdog Millionaire” hulumtohet nga policia

Filmi i nominuar për Oskar "Slumdog Millionaire" do të hulumtohet nga policia në Indi, pasi që autoritete kanë marrë një ankesë sipas të cilës filmi nxit urrejtje kundër njerëzve që jetojnë në lagjet e varfra.


Filmi fitues i çmimit Golden Globe, i cili flet për një djalë i cili rritet në varfëri dhe arrin të fitojë në një shou, në Indi vendi ku është e bazuar ngjarja, ka nxitur kritika të mëdha për shkak të emrit (“Qeni i varfër milioner”).


Organizatat shoqërore janë ankuar se filmi me regji të Danny Boyle është çnderues, krejtësisht kundër shoqërisë dhe nxit urrejtje kundrejt shtresave të varfra. Ndërsa tani është në dorë të policisë të vendosë për këtë gjë.