Victoria i lejon Dadiv të vazhdojë qëndrimin në Milano

Ylli i futbollit, David Beckham, raportohet se ka arritur ‘marrëveshje’ me gruan e tij, Victoria, për të vazhduar qëndrimin e tij në Itali.



Futbollisti është si huazim tek klubi italian Milan vetëm deri në muajin e ardhshëm, por David ka dëshirë të zhvendoset përgjithmonë në qytetin e modës, dhe të marrë me vete edhe familjen e tij, Victorian dhe tre djemtë.

Por, Victoria pëlqen jetën në SHBA dhe dyshja kanë arritur kompromis: David do të jetojë në Itali, derisa Victoria dhe djemtë Brooklyn, 9-vjeçar, Romeo, 6-vjeçar dhe Cruz, 4-vjeçar, do të mbeten në Los Angeles.

Ish-këngëtarja e Spice Girls, do ta zhvendosë studion e dizajnit të modës nga Londra në Milan, ashtu që do të mund të punojë në linjën e veshjeve dVb në Itali, ku do të vizitojë më shpesh burrin e saj, bën të ditur Mirror.