Intel ndërton prototipin e çipit teraflop, me 80 bërthama

Intel ndërton prototipin e çipit teraflop, me 80 bërthama

Intel këtë javë e zbuloi çipin me 80 bërthama që ka aftësi të bën më shumë se një trilion llogaritje për sekondë (teraflopa). Çipi teraflop nuk është lëshim komercial por vetem prototip. Madhësia e këtij procesori nuk është më e madhe sesa e një thua.

Sfida më e madhe është ndërtimi i programeve që mund ti përdorin këto 80 bërthama. Procesorët e sotëm i kanë deri më katër bërthama.

Dr Mark Bull, nga Edinburgh Parallel Computing Center, deklaroi se procesorët shumë bërthamor janë duke e ndryshuar tërësisht pejsazhin e inxhinierisë softuerike.

Ai thotë se "nuk është vështirë të gjinden dy apo katër gjëra për ti bërë në mënyrë konkurente, por të gjinden 80 apo më shumë është më vështirë, sidomos për kompjutera personal".

Dr. Bull shton se "do të kërkohet një revolucion i madh në inxhinieri softuerike".

Shpejtësia në masë teraflope është arritur për herë të parë para 11 viteve në superkompjuterin ASCI Red të Intel, i ndërtuar për Sandia National Laboratory.

Ajo makinë i zënte 185 metra katror, ishte e fuqizuar nga 10,000 procesora Pentium Pro dhe konsumonte më shumë se 500 kilowatt.

Çipi i ri i Intel konsumon shumë pak elektricitet, më pak sesa çipat e sotëm për përdorim të lartë. Çipi konsumon 62 watt dhe bërthamat mund të ndizen apo ndalen në mënyrë të pavarur, gjë që e ngritë efikasitetin energjetik.

» Sun dhe Intel e ringjallin partneritetin - Xeon kthehet