Hudson çon në këmbë të pranishmit

Jennifer Hudson ka vazhduar rikthimin publik triumfues, disa muaj pas vdekjes së nënës së saj, vëllait dhe nipit, pasi që është pritur shumë ngrohtë gjatë performancës së saj në ceremoninë e ndarjes së çmimeve Grammy.


Anëtarët e familjes së Hudson ishin viktima të një vrasjeje në tetorin e vitit të kaluar, ndërsa nga ai moment këngëtarja ishte tërhequr nga jeta publike, deri në rikthimin e saj në “Superbowl” më 1 shkurt.

Përveç çmimit për Albumin më të mirë të muzikës R&B, Hudson ishte edhe njëra nga këngëtarët që këndoi para të pranishmëve në ceremoni duke performuar këngën e Diane Warren “You Pulled Me Through”. Në fund të këngës të pranishmit u çuan në këmbë duke i duartrokitur këngëtares për paraqitjen e saj.