DASH, kritikon rëndë qeverinë Shqipëtare

Departamenti amerikan i Shtetit, publikoi raportin mbi gjendjen e të drejtave të njeriut, gjatë 2008-ës. Në kapitullin për Shqipërinë, dokumenti përmban kritika të forta, në adresë të Qeverisë. Aty përmenden përpjekjet në pengimin e hetimeve, për tragjedinë e Gërdecit apo ndërhyrjet në sistemin e drejtësisë. Shqetësimet e ngritura, përfshijnë dhe ligjin e dosjeve. Raporti thekson se ky ligj është formuluar me terma të mjegullta. Më tej, nënvizohet konflikti mes ekzekutivit e gjyqësorit, pasi pritet që ligji të prekë një numër anëtarësh të Gjykatës Kushtetuese. Sipas Departamentit të Shtetit, mediat ndodhen nën presionin dhe intimidimin e zyrtarëve të lartë të Qeverisë. Ndërkaq, konstatohet se prona private, vazhdon të mbetet problem i madh. Një tjetër shqetësim, ka të bëjë me kushtet në burgje, se ende nuk përmbushin standartet ndërkombëtare.