Rama, kritika qeverisë pas raportit të DASH

Kryetari i PS-së, Edi Rama reagoi sot rreth raportit të departamentit amerikan të shtetit për të drejtat e njeriut. Rama, duke cituar pjesë të raportit, bëri premtimet e rradhës, duke u shprehur i sigurtë për fitore në zgjedhjet e 28 qershorit. Sipas tij, kur qeveria e re të vijë në pushtet do të mbyllë kapitullin e zymtë e krijuar nga qeveria aktuale, përsa i takon raportit me institucionet e pavarura dhe mediat. Rama premtoi se pas zgjedhjeve të qershorit do të bëhet edhe inventarizimi i plotë i pronës, duke iu dhënë fund abuzimeve. Ndërkaq duke iu referuar ligjit të dosjeve, shefi i selisë rozë kujtoi se departamenti amerikan ka ngritur të njëjtat shqetësime me opozitën. Sipas tij, PS-ja është gati për një ligj brenda standardeve ndërkombëtare. Rama shtoi, se do të ndiqet edhe një politike e re për cështjet e dhunës, dhe abuzimeve me gratë e fëmijët.