Kroacia pranon ndërmjetësimin e BE-së për zgjidhjen e konfli

Kroacia pranon ndërmjetësimin e Bashkimit Europian në zgjidhjen e konfliktit kufitar me Slloveninë. Por, kushti i Zagrebit është që negociatori i BE-së, të përgatisë çështjen, e cila më pas, kërkohet të gjykohet në Gjykatën Ndërkombëtare të Drejtësisë. Kryeministri kroat Sanader, theksoi rëndësinë e zbatimit të parimit të reciprocitetit. Përplasjet për një territor të vogël toke, si dhe kufirin detar, bënë që Sllovenia, të pengojë negociatat e anëtarësimit të Kroacisë në BE. Ndërkaq, Ljubjana është pro ndërmjetësimit të bllokut, por kundërshton përfshirjen e Gjykatës Ndërkombëtare të Drejtësisë.